(E plotësuar) - Një person i armatosur ka hapur zjarr në një sinagogë në Pisttburgh të SHBA-ve, gjatë ceremonisë së lutjeve të së shtunës. Teksa qëllonte pa shënjestruar dikë në veçanti, thuhet se agresori thërriste: “Të gjithë hebrenjtë duhet të vdesin.”
Agresori është arrestuar, por autoritetet nuk janë siguruar ende nëse ka qenë vetëm.
Janë konfirmuar 8 të vdekur deri tani. 4 të vrarë në katin e parë të sinagogës, 4 në bodrum. Tre policë janë raportuar të plagosur gjatë shkëmbimit të zjarrit me agresorin.
Presidenti Trump reagoi në Twitter. Ai u bëri thirrje banorëve të zonës në Pitsburg të Pensilvanisë të bëjnë kujdes derisa situata të jetë nën kontroll.
Universiteti Carnegie Mellon, që ndodhej pranë ngjarjes, nxitoi të mblidhte studentët e stafin në një zonë të sigurt urgjence.
***
Një sulmues ka hyrë në një sinagogë në qytetin Pitsburg të Pensilvanisë dhe ka hapur zjarr, ka thënë policia.
Epiket e emergjencës kanë arritur në sinagogën “Tree of Life”, raporton BBC.
Një zëdhënës i policisë ka thënë se ka viktima.
“Jemi duke e vëzhguar situatën. Është e domosdoshme që fqinjët dhe komuniteti që gjendet përreth sinagogës Tree of Life të qëndrojnë në shtëpitë e tyre. Mos dilni jashtë”, ka thënë zëdhënësi Jason Lando.
Në kohën e sulmit në sinagogë, sipas një dhënave të publikuara në uebfaqen e kësaj sinagoge, ka qenë duke u zhvilluar një shërbim fetar.
Nga fotografitë e postuara në rrjetet sociale shihet një numër i shtuar i policisë në zonën afër sinagogës.
Departamenti për Siguri Publike i Pitsburgut ka shkruar në Twitter se “një sulmues aktiv” është raportuar se gjendet në zonë dhe u ka bërë thirrje njerëzve që të shmangin zonën.
Presidenti i Shteteve të Bashkuara, Donald Trump ka shkruar në Twitter se po përcjell situatën në Pensilvani, duke iu bërë thirrje njerëzve që të shmangin zonën Squirrel Hill.
