Merakli i vrapimit! Këtë e ka dëshmuar edhe të dielën që e lamë pas kryeministri Ramush Haradinaj. Ai mori pjesë në Gjysmëmaratonën ndërkombëtare “Prishtina 2019” në atletikë. Ramushi vrapoi 21 kilometra, nga Teatri Kombëtar, Fushë Kosovë, Kastriot dhe Prishtinë!
Edhe një herë tregoi se është në frymën sportive bile e kishte veshur edhe fanellën e Xherdan Shaqirit me numër 23. Fanellën e Liverpoolit!
Si për çudi, si për inati edhe objektivi i aparatit Shpend Ahmeti e zuri në pozicion të keq apo siç thuhet në pozicionin mat: Ramushi symbyllur nga ngarkesa, duke i dhënë me dy duart e tija, por të lë përshtypje sikurse ka dhimbje stomaku! Kështu duken duart e tij drejtuar stomakut.
Shpend Ahmeti
Jo dhimbje stomaku, por Ramushi ishte në vrap për të arritur në cak. Pothuajse i jepte gaz vetes aq sa mundej për të arritur në cak, por Shpend Ahmeti, jo kryetari i Komunës së Prishtinës, por fotoreporteri sportiv, vendosi ta fotografoi dhe foto i del që as vet Shpendi nuk e kishte menduar.
