Volkswagen është gjobitur me më shumë se 100 milionë euro për kalim të caqeve të emetimit të dioksidit të karbonit nga veturat e saj të vitit 2020, ka bërë të ditur prodhuesi më i madh i makinave në botë.
Kompania uli emetimet mesatare të dioksidit të karbonit në Bashkimin Evropian me rreth 20 për qind por prapë emetimi ishte për rreth 0.5 g / km mbi objektivin e BE-së, kanë bërë të ditur zyrtarë të Volkswagen, shkruan Reuters.
Politikëbërësit evropianë po i detyrojnë prodhuesit e makinave të nxisin zhvillimin e teknologjisë me shkarkime të ulëta ose përndryshe do të përballen me një gjobë prej 95 euro për gram të tepërt të dioksidit të karbonit që ato lëshojnë.
“Për vitin 2020 e kemi kaluar pak limitin e shkarkimit të dioksidit të karbonit për shkak të pengesave të shkaktuara nga pandemia me Covid-19”, ka deklaruar themeluesi Herbert Diess duke shtuar se këtë vit do të jenë brenda normave pasi kompania do të sjellë modele të reja të veturave elektrike.
