Pronarët e veturave Tesla nuk mund t’i zhbllokonin automjetet e tyre, reagon Elon Musk

Auto

Pronarët e veturave Tesla nuk mund t’i zhbllokonin automjetet e tyre, reagon Elon Musk

Më: 20 nëntor 2021 Në ora: 22:30
Elon Musk

Disa pronarë të veturave të Teslës patën probleme të mëdha gjatë ditës së djeshme. Gjegjësisht, kur aplikacioni i Teslës pushoi së funksionuari, ata nuk mundën të zhbllokonin apo ndeznin veturat e tyre.

Kështu kanë shkruar në Twitter pronarët e disa veturave, e cila gjë bëri që të reagojë Elon Musk, ku u ka kërkuar falje dhe pak orë më vonë ka shkruar se situata është zgjidhur dhe do të marrë masa që kjo të mos përsëritet.

Aplikacioni tregoi një “erorr server 500”, i cili tregon probleme me serverin me të cilin aplikacioni i Teslas po përpiqet të lidhet. Përveç çelësit të telekomandës, veturat Tesla mund të përdorin edhe telefonat inteligjentë si çelës.

Duke qenë se telefonat lidhen me veturën përmes bluetooth, përdorimi i tyre si çelës nuk kërkon lidhje interneti, pra problemet me aplikacionin nuk duhet të ndikojnë në zhbllokimin e automjetit.

Disa përdorues në Twitter u ankuan gjithashtu se nuk mund të zhbllokonin veturat e tyre me telefonat e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat