Me rifreskimin e modelit më të fuqishëm Alpine A110, tani vjen me motor me 300 kuaj-fuqi

Auto

Me rifreskimin e modelit më të fuqishëm Alpine A110, tani vjen me motor me 300 kuaj-fuqi

Më: 25 nëntor 2021 Në ora: 14:04

Pas paralajmërimit për kalim në motor elektrik, kompania franceze që funksionon nën ombrellën e Renault, Alpine, ka prezantuar edicionin e freskuar të Coupe A110 të aluminit që po konsiderohet si versioni më i fuqishëm që e vë në lëvizje motori me 300 kuaj-fuqi.

Auto kompania franceze Alpine, së fundmi patën njoftuar se viteve të ardhshme të gjitha veturat do t’i prodhojnë që jenë elektrike.

Ndërkohë kanë prezantuar edicionin e ridizajnuar të veturës sportive A110, që e vë në lëvizje motori i Renault me 1,8 litra me katër cilindra turbo-benzinë i marrë nga Megane RS.

Edicioni i ridizajnuar i Alpine si kundërpërgjigje ndaj Porsche Cayman, tani ofrohet edhe me ngjyrë portokalli. Aty është edhe sistemi multimedial me të cilin operohet përmes ekranit 7-inç dhe funksionojnë aplikacionet Android Auto dhe Apple CarPlay.

Dy nga tri pakot e deritanishme tani fshihen nën dy logo të ndryshme, bazuar në versionin Alpine A100 më nuk ka shtesën Pure.

Pakoja e fundit tani në vend të A110 Legende, quhet A110 GT, e në kulmin e ofertës është opsioni më i fuqishëm që akoma mban shenjën A110 S për të cilin akoma duhet ndarë 71.500 euro.

Alpine A110 S tani ka në dispozicion 300 kuaj-fuqi, dhe për shpërndarjen e fuqisë motorike në rrotat e pasme është montuar ndërruesi automatik me shtatë shpejtësi.

Shpejtësinë nga 0-100 kilometra në orë e arrin për 4,2 sekonda. Aty janë edhe fellnet 18-inç të alumini dhe goma Michelin Pilot Sport 4 me dimensione 215/40 (para) dhe 245/40 (pas). 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat