Prodhuesi francez i veturave, Citroen është akuzuar për normalizimin e ngacmimeve seksuale në një reklamë në Egjipt ku shfaqet ylli i popit Amr Diab.
Në video, Diab përdor një kamerë në veturë për të fotografuar një grua duke kaluar rrugën, me sa duket pa pëlqimin e saj. Më vonë ata janë parë duke vozitur së bashku.
Reklama u publikua më 3 dhjetor, por është kritikuar në mediat sociale ditët e fundit, raporton bbc.
Gazetarja egjiptiano-amerikane, Reem Abdellatif e përshkroi atë si “të mërzitur”.
“Kush mendoi se do të ishte një ide e mirë për të bërë një reklamë që mundëson ngacmimin seksual në një vend ku 98 për qind e grave raportuan se ishin ngacmuar në një moment të jetës së tyre?”, ka shkruar ajo në Twitter.
Shkrimtarja Amal Alharithi shkroi në Twitter se “Ajo që është e dhimbshme në reklamën e Amr Diab është se i gjithë ekuipazhi nuk e kuptoi gabimin. Askush në ekuipazh nuk e kundërshtoi fotografimin e vajzave në rrugë pa pëlqimin e tyre. Kjo është shumë e trishtueshme”.
As Citroën dhe as Amr Diab nuk kanë komentuar deri më tani kritikat.
Vitet e fundit, dhjetëra gra të frymëzuara nga lëvizja #MeToo kanë folur në mediat sociale për përvojat e tyre të ngacmimeve dhe sulmeve seksuale në Egjipt.
Parlamenti i vendit miratoi dënime më të ashpra për ngacmimet seksuale në muajin korrik, duke ndryshuar kodin penal për ta bërë atë një krim dhe duke e rritur dënimin në një minimum prej dy vjetësh burg në vend të gjashtë muajve, së bashku me një gjobë prej 6,370 dollarësh dhe 12,740 dollarë..
Një studim i OKB-së në vitin 2013 zbuloi se 99.3 për qind e vajzave dhe grave në Egjipt thanë se kishin përjetuar një formë të ngacmimit seksual gjatë jetës së tyre.
.
— Amr Diab (@amrdiab) December 3, 2021
لو بتدور على الراحة، يبقى بتدور على ستروين C4 الجديدة!
اتفرج على ستروين C4 الجديدة مع الهضبه واكتشف المعنى الحقيقي للراحة.#CitroënEgypt#NewCitroënC4#AmrDiab#CitroënXAmrDiab pic.twitter.com/mcWZCMigsN
