Genesis, vetura e re koreane brenda të cilës nuk mungon asgjë – nga luksi e deri te fuqia e madhe motorike

Auto

Genesis, vetura e re koreane brenda të cilës nuk mungon asgjë – nga luksi e deri te fuqia e madhe motorike

Më: 18 prill 2022 Në ora: 14:33
Foto ilustrim

Prodhuesi korean i veturave premium, Genesis, viteve të fundit ka sjellë në skenë shumë freski, e ata që kanë menduar se ky brend i themeluar së fundmi nuk do të mund t’ia dalë në konkurrencën e fuqishme në treg, janë gabuar rëndë.

Genesis me një fjalë është duke ecur me hapa tejet të mëdhenj. Asortimani është çdo herë e më i pasur, e modelet luksoze po përshtaten mirë tek pronarët e tyre.

Sa i përket veturës elektrike GV60, në Kore kanë pritje të mëdha kur bëhet fjalë për dizajnin. Pas konceptit të X Coupe, tani ka arritur evolucioni i sojit të vet. GT-ja klasike është bërë “fastback”, përkatësisht ka marrë një karroceri tjetër dhe logon X Speedium Coupe.

Risi është pjesa e pasme, ku linjat e kulmit puthiten përmes xhamit të pasmë – që përfundon në fund të veturës. Pjesa e pasme e veturë është mbresëlënëse, e disave po u duket shumë i ngjashëm me Aston Martinin.

Genesis ka sjellë thjesht një veturë tjetër tërheqëse falë punës së palodhshme të dizajnerit Luke Donkerëalke. Shefi i dizajnit në Genesis ka konfirmuar se nuk është vetëm një veturë për reklamë – por rezultat i një linje serike të prodhuar në një të ardhme të afërt.

Paralelisht me prezantimin e konceptit, Genesis njoftoi se është e hapur për porositë e GV60, modelit të parë të veturës elektrike që është në pakon e ofertave.

Të interesuarit në Shtetet e Bashkuara mund të lajmërohen përmes ueb-faqes zyrtare, duke bërë një depozitim prej 500 dollarëve. Bëhet fjalë për një model SUV me platformën mekanike E-GMP, që vjen me tre motorë të ndryshëm – nga ai bazik me 228 kuaj-fuqi e deri te ai sportiv me 435.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat