Pasardhësi i Lamborghini Aventador prishet gjatë testimit

Auto

Pasardhësi i Lamborghini Aventador prishet gjatë testimit

Më: 25 shtator 2022 Në ora: 11:42
Foto ilustrim

Inxhinierët e Lamborghini kanë zbuluar të paktën një problem në zëvendësuesin e radhës të “raketës rrugore” me motor V12, Aventador.

Një veturë testuese ka pësuar defekt gjatë një drejtimi rrugor në Itali me një problem teknik dhe ka mbetur e bllokuar në trafikun e përditshëm.

Teksa shoferët e zakonshëm kaluan përpara superveturës ekzotike të prishur – ajo u ndal në rrugë dhe as nuk u largua në skaj – gjithçka tregonte për një dështim të madh të llojit që ka “pllakosur” pronarët e veturave italiane për dekada, raporton Drive.

Lamborghini i pajetë u rikuperua – por jo përpara se të pozonte për fotot më të fundit – dhe më të qarta – të superveturës së ardhshme hibride.

Paketa e baterisë hibride 48 volt e veturës të testimit pasqyrohet në ngjitëse elektrike paralajmëruese në anën e veturës së testimit.

Ka zëra se pasardhësi i Aventador mund të quhet Revuelto – duke vazhduar historinë e kompanisë për të marrë emra nga demat luftarakë spanjollë – pasi Lamborghini aplikoi për një patentë në fillim të këtij viti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat