Arma sekrete e Furyt që e shkatërroi Wilderin - Bota Sot
Arma sekrete e Furyt që e shkatërroi Wilderin

Boksi

Arma sekrete e Furyt që e shkatërroi Wilderin

Më: 10 maj 2020 Në ora: 09:54
Tyson Furyt

I tërë ekipi i Tyson Furyt merakosej se një çarje e thellë në vetullën e britanikut do të rihapej në meçin e tij kundër Deontay Wilderit, sipas Jacob Duran, njeriut i cili është përgjegjës për parandalimin e asaj ndodhie

Në një meç kundër Otto Wallin vitin e kaluar, Fury ishte detyruar të vazhdonte përkundër një çarje të madhe në vetull; një lëndim i cili rrezikonte të rishfaqjen në rimeçin me Wilderin të cilin britaniku e dominoi bindshëm.

“Të gjithë shqetësoheshin përveç Furyt dhe meje”, tha amerikani Duran.

“I tërë ekipi, përfshirë vëllezërit e tij, u gëzuan që më patën mua në ekip. Ishte gjëja më racionale që ata kanë mundur ta bënin, pra të më sillnin mua. Ekipi i Furyt e kuptoi këtë”, shtoi ai.

“Ia shikova çarjet. Doktori i cili i kishte bërë qepjet kishte bërë punë të jashtëzakonshme. Çarja më e madhe dhe më e rëndësishme? Mezi është vërejtur”, vazhdoi ai.

“I thashë Furyt: ‘Unë jam këtu për mirëmbajtje. Unë përdor akull çdo rund. Puna ime është që t’i të dalësh nga ringu po aq bukurosh sa u fute’. U përpoqa ta krijoja një lidhje si atë e bir sepse, edhe pse këta djelmosha janë si gladiatorë, thellë brenda janë foshnje”, tregoi ai.

Ai e lartësoi edhe Jorge Capetillo, njeriun i cili ia shëroi lëndimet Furyt nga meçi me Wallin vitin e kaluar.

“E dita menjëherë se ishte një çarje shumë e keqe. Njerëzit harrojnë se ishin dy çarje. Më vonë u takova me Jorge. Duke i parë rrethanat, ai e kaloi provën dhe u bë hero”, shtoi ai.

Shfaq komentet
comments powered by Disqus
Sot mund të lexoni Shfletoni kopertinat