Ajo do të martohet me partnerin e saj muzikant, Justin Bieber, për të dytën herë në një ceremoni intime në kishë këtë fundjavë në Karolinën e Jugut.
Por Hailey Bieber që tashti na ka dhënë një ide sesi do të duket e veshur nuse me të bardha, pasi organizoi një festë beqarie me shoqet në Kalifornia, të mërkurën në mbrëmje.
Modelja 22-vjeçare, shoqërohej nga mikeshat e saj të ngushta ndër të cilat Kendall Jenner, gjatë darkës në Ysabel dhe më pas në klubin e natës Delilah.
Hailey kishte veshur një fustan pas trupit të bardhë, ndërsa ajo që e bënte më nusërore paraqitjen e saj ishte velloja e bardhë në flokë.
Ndërkohë Kendall dukej sikur kishte ardhur direkt nga pasarela pasi shihej e veshur me një fustan mëndafshi ngjyrë blu, super të shkurtër.
Këto pamje vijnë pasi Kendall u fotografua në një dyqan rekuizitash seksi, me siguri për të blerë disa gjëra të nevojshme para festës më vajzat!
