Kylie Jenner thuhet se po pret fëmijën e saj të parë, e tani dikush po përpiqet t’i ndryshojë fotografitë e saj të fundit për t’a theksuar barkun në rritje.
20-vjeçarja shfrytëzoi Twitter-in për të folur në lidhje me disa foto që u publikuan gjatë ditës së sotme e që e shfaqin atë shumë më ndryshe.
“Para se gjithash nëse jeni duke përdorur photoshop për fotografitë e mia, shikoni linjat e shtrembëruara në sfond. Fotoja 2 është ndryshuar qartë”, shkroi Kylie.
Kylie nuk e ka konfirmuar ende se ajo është në pritje të fëmijës së saj të parë me të dashurin Travis Scott.
“Pra a je shtatzënë apo jo”, i shkroi një fans asaj nën statusin e saj. Më pas një tjetër tha “A do të thotë kjo që nuk je shtatzënë?”, por asnjëri prej tyre nuk mori përgjigje.
