Kryeministrja e Zelandës së Re me shami në kokë shkon t’i ngushëllojë komunitetin mysliman pas sulmit terrorist në xhami - Bota Sot
Kryeministrja e Zelandës së Re me shami në kokë shkon t’i ngushëllojë komunitetin mysliman pas sulmit terrorist në xhami

Bota

Kryeministrja e Zelandës së Re me shami në kokë shkon t’i ngushëllojë komunitetin mysliman pas sulmit terrorist në xhami

Më: 16 mars 2019 Në ora: 15:23
Kryeministrja e Zelandës së Re, Jacinda Ardern

Kryeministrja e Zelandës së Re, Jacinda Ardern, ka udhëtuar drejt qytetit ku ndodhi sulmi terrorist dhe në të cilin mbetën të vrarë 49 persona. Sidoqoftë, ajo që ka rënë në sy është veshja e saj.

Ardern shkoi në qendrën e refugjatëve “Canterbury” për ta ngushëlluar komunitetin mysliman. Në këtë vend ajo është parë me shami në kokë në shenjë solidarizimi dhe respekti për pjesëtarët e komunitetit mysliman që jeton në Zelandën e Re.

“Zelanda e Re është e bashkuar në vajtim dhe ne jemi të bashkuar në vajtimin tonë”, ka thënë ajo.

Përndryshe, shumë familjarë po qëndrojnë në spitale për të marrë lajme për personat e plagosur, ndërsa disa të tjerë janë ende në listat e të zhdukurve.

“Kemi ardhur për t’i vizituar njerëzit, kemi humbur shumë persona, shumë miq tanë”, tha Sharifullah Najib, i cili është me prejardhje nga Afganistani.

Në sulmin terrorist në dy xhami të Zelandës së Re mbetën të vrarë 49 persona dhe shumë të tjerë janë plagosur. Sulmuesi është paraqitur sot në gjykatë, ndërsa ai akuzohet për vrasje masive, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...