Netanyahu bëhet kryeministri me mandatin më të gjatë në histori të Izraelit - Bota Sot
Netanyahu bëhet kryeministri me mandatin më të gjatë në histori të Izraelit

Bota

Netanyahu bëhet kryeministri me mandatin më të gjatë në histori të Izraelit

Më: 20 korrik 2019 Në ora: 09:13
Benjamin Netanyahu

Benjamin Netanyahu është bërë kryeministri me mandatin më të gjatë në histori të shtetit të Izraelit, duke e lënë prapa edhe themeluesin e këtij vendi dhe kryeministrin e parë, David Ben-Gurion.

Njeriu i njohur ndryshe edhe si “King Bibi” nga përkrahësit dhe kundërshtarët e tij, tashmë i ka bërë 4867 ditë ose më shumë se 13 vjet si kryeministër i Izraelit.

Gjatë dy dekadave të kaluar, politikani 69-vjeçar, i cili më parë ka shërbyer në ushtri, i ka fituar disa palë zgjedhje me premtimet se do ta bëjë Izraelin vend të sigurt dhe me mirëqenie, duke i lënë anash palestinezët.

“Ai i ka bindur shumë votues se është i pazëvendësueshëm”, thotë Gideon Rahat, profesor i shkencave politike në Universitetin e Jerusalemit dhe pjesëtar i Institutit Izraelit për Demokraci.

Pavarësisht thyerjes së rekordit historik, Netanyahut i duhet t’i fitojë zgjedhjet e shtatorit dhe të lirohet nga tri akuza për korrupsion për ta vazhduar rrugën e tij të gjatë në krye të qeverisë izraelite.

Përkrahësit e tij thonë se Izraeli nuk ka qenë asnjëherë më i pasur, më i sigurt dhe më i pranuar në botë, përfshirë shtetet arabe.

Në anën tjetër, kundërshtarët e Netanyahut thonë se ai shpesh ka nxitur përçarje në shoqërinë izraelite, i ka stigmazituar mitoritetet për t’i fituar zgjedhjet dhe i ka shtypur aktivistët për mbrojtjen e të drejtave të njeriut, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...