Një raport i brendshëm i etikës ka pretenduar keqadministrim dhe abuzime të autoritetit në nivelet më të larta të agjencisë së OKB-së për refugjatët palestinezë, edhe pse organizata u përball me një krizë të pashembullt pas shkurtimeve të financimit nga SHBA, shkruan AFP.
Pretendimet e përfshira në raportin konfidencial të departamentit të etikës së agjencisë tani po shqyrtohen nga hetuesit e Kombeve të Bashkuara.
Agjencia e Ndihmës dhe Punës së Kombeve të Bashkuara (UNRWA) tha se po bashkëpunon plotësisht me hetimin dhe se nuk mund të komentojë në hollësi, sepse hetimi është në vazhdim.
AFP ka marrë një kopje të raportit i cili përshkruan pretendime "të besueshme dhe të vërtetuara" të abuzimeve të rënda etike, përfshirë përfshirjen e zyrtarit të lartë të UNRWA, komisioneri i përgjithshëm Pierre Krahenbuhl.
Ai thotë se akuzat përfshijnë menaxhmentin e lartë që angazhohet në "sjellje të keqe seksuale, nepotizëm, hakmarrje, diskriminim dhe abuzime të tjera të autoritetit, për përfitime personale, për të shtypur mospajtimin e ligjshëm dhe për të arritur qëllimet e tyre personale".
