Një adoleshent hap zjarr duke vrarë katër anëtarë të familjes, përfshirë një fëmijë në Utah - Bota Sot
Një adoleshent hap zjarr duke vrarë katër anëtarë të familjes, përfshirë një fëmijë në Utah

Bota

Një adoleshent hap zjarr duke vrarë katër anëtarë të familjes, përfshirë një fëmijë në Utah

Më: 18 janar 2020 Në ora: 19:57
Foto

Katër anëtarët e familjes janë qëlluar për vdekje dhe një i afërm i pestë u plagos në të shtënat që besohet të jetë kryer nga një i ri në një shtëpi në Utah të premten në mbrëmje. 

Incidenti, i cili po hetohet si një vrasje, ndodhi në një rezidencë në Grantsville, Utah, të premten në orën 7:30 të mëngjesit të kohës lokale.

Kryetari i bashkisë së Grantsville, Brent Marshall konfirmoi se katër viktimat – të cilat përfshijnë fëmijë – janë anëtarët e familjes, por nuk specifikoi marrëdhëniet e tyre të sakta me njëra-tjetrën, sipas Deseret News.

“Kjo është një tragjedi fatkeqe që ka ndodhur këtu këtë mbrëmje”, u tha Marshall gazetarëve në vendngjarje, duke shtuar se do të duhen ditë ose edhe më gjatë për të provuar dhe bashkuar atë që solli të gjithë këtë, dhe pse ndodhi, nëse do të mësojmë ndonjëherë pse ndodhi”.

Ai tha se “Kjo është zakonisht një lagje shumë e qetë, dhe sa herë që keni fëmijë të përfshirë në diçka, bëhet shumë emocionuese, shumë shpejt”.

Policia nuk ka lëshuar ende emrat, moshat ose marrëdhëniet midis katër personave që u vranë, por deklaroi se një mashkull i rritur i plagosur u dërgua në Mountain West Medical Center për trajtim të mëtutjeshëm.

Policia tha se i dyshuari është marrë në paraburgim dhe se nuk ka asnjë kërcënim për publikun.

Shfaq komentet
comments powered by Disqus
Sot mund të lexoni Shfletoni kopertinat