Më shumë se tre miliardë njerëz do të jetojnë në vendet ku temperatura është "afër e padurueshme" deri në vitin 2070, sipas një studimi të ri.
Nëse nuk zvogëlohen emetimet e gazit serë, një numër i madh i njerëzve do të jetojnë në vendet ku temperatura mesatare është mbi 29 gradë Celsius.
Besohet se është më shumë sesa "kufiri" i klimës në të cilin njerëzit kanë jetuar për 6000 vjetët e fundit.
"Ne shpresojmë që studimi të tregojë se si ndryshimi i klimës do të ndikojë në jetën e njerëzve", tha bashkautori i studimit Tim Lenton për BBC.
Studiuesit përdorën të dhënat dhe parashikimet e popullsisë së Kombeve të Bashkuara dhe një skenar tri gradë Celsius, bazuar në rritjen e pritshme të temperaturës globale.
Raporti i OKB-së thotë se edhe nëse disa vende vazhdojnë t'i përmbahen Marrëveshjes së Klimës në Paris, bota është në rrugën e ngritjes së temperaturës prej tri gradë Celsius.
Sidoqoftë, nëse ngrohja globale do të çonte në një rritje të temperaturës me tre shkallë, një numër i madh i njerëzve do të jetonin në vendet që janë mbi "kufirin e klimës".
Lenton është një specialist i klimës dhe drejtor i Institutit Ndërkombëtar në Universitetin Exeter dhe ka kryer studimin në bashkëpunim me shkencëtarë nga Kina, SHBA dhe Evropa.
"Toka po ngrohet më shpejt se oqeanet me më shumë se tre gradë. Tashmë pritet një rritje e popullsisë në zona të ngrohta, kryesisht në Afrikën Sub-Sahariane, e cila lëviz personin mesatar në zonat më të ngrohta", thotë Lenton.
Zonat si Australia Veriore, India, Afrika, Amerika e Jugut dhe pjesë të Lindjes së Mesme parashikohet të preken nga rritja e temperaturave.
