Takimi midis Turqisë dhe Greqisë i paraparë të mbahej të martën, u shty së fundmi për 10 shtator, raportojnë mediet lokale.
Sipas Anadoly Agency, takimi parashihet të zhvillohet në selinë e NATO-s.
Ndërkohë, lajmi për shtyrjen e këtij takimi mes dy delegacioneve ushtarake, u konfirmua edhe nga Ministria Kombëtare e Mbrojtjes në Turqi.
Tensionet në Mesdheun lindor janë rritur së fundmi midis dy vendeve, ndërsa Greqia kërkon të bllokojë operimet e Turqisë mbi burimet natyrore në rajon.
Autoritetet turke janë shprehur të gatshëm për diskutime, sakaq të njëjtit potencuan javën e kaluar se të dyja palët duhet të diskutojnë për ndarjen e drejtë të burimeve natyrore.
