Britania e Madhe heq tarifat për të gjitha mallrat nga Ukraina

Bota

Britania e Madhe heq tarifat për të gjitha mallrat nga Ukraina

Më: 26 prill 2022 Në ora: 07:04
Zelensky dhe Johnson

Qeveria britanike njoftoi se ka hequr tarifat për të gjitha mallrat nga Ukraina, ndërsa vendosi një ndalim për eksportin e produkteve dhe teknologjisë në Rusi që mund të përdoreshin në luftë.

Ky veprim erdhi si përgjigje ndaj një kërkese të drejtpërdrejtë nga presidenti ukrainas, Volodymyr Zelensky, për të mbështetur ekonominë ukrainase, tha në një deklaratë sekretarja e tregtisë ndërkombëtare e Mbretërisë së Bashkuar, Anne-Marie Trevelyan, shkruan BBC.

Mbretëria e Bashkuar kishte ulur të gjitha tarifat për mallrat nga Ukraina, duke përfshirë eksportet kryesore të Ukrainës si elbi, mjalti, domatet e konservuara dhe shpendët, tha Trevelyan.

“Ne qëndrojmë të palëkundur me Ukrainën në këtë luftë të vazhdueshme dhe do të punojmë për të siguruar që Ukraina të mbijetojë dhe të lulëzojë si një komb i lirë dhe sovran”, tha ajo në një deklaratë.

Mbretëria e Bashkuar njoftoi gjithashtu një ndalim të eksportit të produkteve dhe teknologjisë në Rusi. Produktet e synuara mund të përfshijnë pajisje përgjimi dhe monitorimi dhe “do të mbyllin çdo boshllëk ekzistues për të siguruar që Rusia nuk po i blen këto mallra nga MB”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat