LIVE: Katër skenarë për vazhdimin e luftës në Ukrainë: Mes një sulmi bërthamor dhe një lufte gjithëpërfshirëse

Ushtria ukrainase bëri një sërë suksesesh në kundërofensiva si në lindje të vendit, ashtu edhe në jug në rajonin e Khersonit.

Megjithatë një pyetje po kërkon përgjigje  – çfarë mund të pritet mbi të gjitha nga Rusia në javët e ardhshme.

Ndërkohë që ukrainasit po çlirojnë territoret e tyre, Rusia ka ratifikuar zyrtarisht marrëveshjet për aneksimin e Kherson, Zaporozhzhia, Donetsk dhe Luhansk në Federatën Ruse.

Edhe pse Kievi njoftoi se ky vendim nuk ndryshon asgjë për ta, Rusia theksoi se do të përdorë të gjitha mjetet ushtarake dhe të tjera për të mbrojtur territoret e aneksuara.

Në këtë bilanc fuqie, mediat ukrainase analizuan skenarët e mundshëm për zhvillimin e mëtejshëm të ngjarjeve në front.

Skenari që diskutohet shpesh tani është se Rusia do të kërkojë nga Ukraina një ndërprerje të armiqësive përgjatë gjithë vijës së frontit, duke kërcënuar një sulm bërthamor në rast refuzimi.

“Si një opsion, ata mund të kryejnë fillimisht një sulm bërthamor demonstrues mbi Detin e Zi ose të përdorin armë taktike bërthamore në një objekt ushtarak në Ukrainën perëndimore, pas së cilës ata do të lëshojnë një ultimatum”, thotë gazeta ukrainase, Strana.

Në të njëjtën kohë, është e mundur që ultimatumi bërthamor të mos shpallet menjëherë pas aneksimit, por të shtyhet për të vlerësuar zhvillimin e situatës në front.

“Nëse trupat ukrainase nuk janë më në gjendje të zhvillojnë një ofensivë në territoret tashmë të pushtuara nga Federata Ruse, atëherë ata nuk do të lëshojnë ultimatum dhe do të vazhdojnë të luftojnë me armë bërthamore. Nëse bëhet realiste që Rusia do të humbasë Khersonin dhe bregun e djathtë të Dnieperit, atëherë ata mund të vendosnin një ultimatum”, shpjegojnë ata.

Gjithashtu, ekziston një opsion që ultimatumi të mos pasohet nga një sulm bërthamor, por nga sulme në objektet kritike të infrastrukturës që mund të kërcënojnë disa rajone të Ukrainës.

Lufta vazhdon në të njëjtin format

Një nga skenarët që po shqyrtohet është se Rusia nuk do të përdorë armë të shkatërrimit në masë ose nuk do t’i shpallë luftë Ukrainës dhe se do të mbetet në formatin e një “operacioni ushtarak special”.

“Fakti që Rusia shpalli një mobilizim të pjesshëm jep disa argumente në favor të këtij versioni. Plotësimi me personel të mobilizuar do t’i lejojë Rusisë të zgjidhë problemin e saj themelor. Bazuar në këtë, ushtria ruse mund të llogarisë në ndalimin e ofensivës ukrainase dhe ndoshta edhe në nisjen e tij”, shkruan në analizë.

Ndër të tjera, analistët ukrainas theksojnë se lufta në një mënyrë ose në një tjetër do të marrë karakterin e një lufte acarimi në të cilën Moska do të bindë Kievin dhe Perëndimin për një armëpushim në kushte të pranueshme.

Rusia i shpall luftë Ukrainës dhe mobilizim të përgjithshëm

Një skenar i tretë që gjithashtu nuk përfshin përdorimin e armëve bërthamore ka të bëjë me shpallje luftë ndaj Ukrainës.

“Ky skenar ndryshon nga versioni i mëparshëm në një parametër – numrin e të mobilizuarve. Burimet e mobilizimit të Rusisë janë shumë më të mëdha se ato të Ukrainës. Pra, këtu, llogaritja e Moskës mund të jetë e tillë që ajo do të dëshirojë të krijojë një avantazh të rëndësishëm numerik në front për vazhdimi i aktiviteteve sulmuese”, theksojnë analistët.

Megjithatë, shumë ende nuk e dinë nëse Rusia ka burime për të armatosur dhe trajnuar një numër kaq të madh njerëzish në rast të mobilizimit të përgjithshëm.

Gjithashtu, nëse shpallet një mobilizim i përgjithshëm, pasojat sociale brenda vendit mund të jenë shumë të rënda.

Lufta hyn në një fazë të ngadaltë

Skenari i fundit që u diskutua ka të bëjë me hyrjen e luftës në të ashtuquajturat faza e ngadaltë.

“Ky skenar nënkupton që të dyja palët, pa shpallur zyrtarisht një armëpushim, de facto do të ulin gradualisht aktivitetin në front dhe do ta afrojnë atë në nivelin që ishte në pranverën e vitit 2015 në Donbas. Ai nënkupton një luftë të ngadaltë me përkeqësime periodike lokale. Një lloj armëpushimi tinëzar”, sqarohet.

Ky opsion, sipas analizave, mund t’i rekomandohet Ukrainës nga vetë Perëndimi.

“Ata do ta bënin këtë me pretekstin për të mos e mbështetur Putinin në një qoshe. Gjithashtu, do të ishte e dobishme të armatosnin ushtrinë ukrainase me armë perëndimore. Rusia gjithashtu do të pajtohej me këtë opsion, sepse do t’u jepte atyre mundësinë për të marrë një pushim të nevojshëm për të riorganizuar ushtrinë”, thotë ai.

Megjithatë, ajo që duhet theksuar është se deri më tani nuk ka pasur asnjë sinjal se palët duan një marrëveshje dhe këtë e vërteton vendimi i nënshkruar nga presidenti ukrainas, Volodymyr Zelensky, ku thuhet se negociatat me Rusinë, ndërkohë që i pari i shtetit rus, Putin është në krye të saj, janë të pamundura.

Presidenti i Ukrainës, Volodymyr Zelensky, ka bërë thirrje për vendosjen e sanksioneve të tjera ndaj Rusisë, duke thënë se zyrtarët në Moskë kanë filluar të "përgatisin popullin" për përdorimin e mundshëm të armëve bërthamore në luftë.

“Ata po fillojnë të përgatisin popullin e tyre. Kjo është shumë e rrezikshme. Nuk e dimë nëse do t’i përdorin apo jo armët bërthamore, por mendoj se është e rrezikshme edhe të flasësh për to”, tha Zelensky në një intervistë për BBC.

Presidenti ukrainas tha se duhej veprim tani, pasi kërcënimet e Rusisë ishin një "rrezik për të gjithë planetin". Moska, pohoi ai, kishte "bërë një hap tashmë" duke pushtuar termocentralin bërthamor të Zaporizhzhia, stacioni më i madh bërthamor në Evropë.

“Bota mund të ndalojë veprimet e pushtuesve rusë. Bota mund të zbatojë paketën e sanksioneve në raste të tilla dhe të bëjë gjithçka për t'i bërë ata të largohen nga termocentrali bërthamor", tha Zelensky.

Në javët e fundit, ushtria ukrainase ka rimarrë pjesë të mëdha të territorit në një kundërofensivë të suksesshme që ka detyruar trupat ruse të braktisin pozicionet e mbajtura prej kohësh. Në atë që Kievi e përshkruan si përgjigjen e Moskës ndaj disfatës së saj, Presidenti Vladimir Putin ka aneksuar katër rajone pjesërisht të okupuara të Ukrainës.

Aneksimet, të cilësuara gjerësisht si të paligjshme, kanë ngritur frikën për një përshkallëzim të mundshëm në luftën shtatë-mujore.

Teksa Ukraina po vazhdon të çlirojë vendbanime, në pjesën veriore të vendit, që ishin të pushtuara nga trupat ruse, Moska raportohet se ka zëvendësuar një tjetër komandant të forcave të saj të armatosura.

Kreu i rajonit të Dagestanit në Kaukazin Verior, Sergei Melikov, shkroi në Telegram më 7 tetor se gjenerallejtënant Rustam Muradov është emëruar komandant i Qarkut Lindor të Ushtrisë.

Ky qark ka selinë në Lindjen e Largët të Rusisë, por shumica e personelit aktualisht po marrin pjesë në pushtimin e paprovokuar rus të Ukrainës.

Muradov, i cili është në mesin e zyrtarëve rusë që janë subjekt i sanksioneve perëndimore, ka udhëhequr trupat në rajonet lindore ukrainase të Luhanskut dhe Donjeckut, pjesë të të cilave kanë qenë nën kontrollin e separatistëve pro-rusë që prej vitit 2014. Ai po ashtu ka qenë komandant i paqeruajtësve rusë në rajonin e shkëputur të Nagorno Karabakut në Azerbajxhan.

Agjencia e lajmeve RBK, duke cituar burime të afërta me ushtrinë ruse, raportoi më 7 tetor se Muradov ka zëvendësuar gjeneralkolonelin, Aleksandr Chaiko. Por, kjo agjenci nuk dha detaje të tjera.

Ende nuk ka konfirmim zyrtar për këto raportime.

Më 3 tetor, RBK ka raportuar se komandanti i Qarkut Perëndimor të Ushtrisë, gjeneralkolonel Aleksandr Zhuravlyov ishte zëvendësuar pas humbjeve dramatike ruse në verilindje të Ukrainës në muajin shtator, dhe rimarrjes së qytetit strategjik të Limanit në rajonin e Donjeckut nga forcat e Kievit.

Në shtator, gjenerali Dmitry Bulgakov, që ishte zëvendësministër i Mbrojtjes, përgjegjës për logjistikë, u zëvendësua nga gjeneralkoloneli Mikhail Mizintsev. Ky i fundit akuzohet nga Bashkimi Evropian për orkestrimin e rrethimit të qytetit-port të Mariupolit.

Në gusht, mediat shtetërore ruse thanë se komandanti i flotës në Detin e Zi ishte përjashtuar nga puna, pasi Ukraina kreu disa sulme të suksesshme, duke fundosur madje edhe luftanijen ruse, Moskva./REL

Gjatë ditëve të fundit, Ukraina ka rimarrë kontrollin e zonave të mëdha në lindje dhe në jug të vendit nga forcat pushtuese ruse. Siç njofton korrespondenti i Zërit të Amerikës, Henry Ridgwell, ndërsa Kremlini po tërheq forcat, lufta mund të jetë duke hyrë në një fazë të re jetike.

Forcat ukrainase kanë çarë vijën e forcave ruse në rajonin jugor të Khersonit dhe kanë liruar disa fshatra. Forcat ukrainase tashmë kanë vendosur nën kontroll një territor deri në 30 kilometra brenda vijës së dikurshme të frontit.

“Morali i djemve, gjithçka ka ndryshuar, krahasuar me ç’ishte më parë – është përmirësuar shumë. Ekziston dritë në fund të tunelit, të frymëzuar nga fitoret”, thotë Yaroslavi, ushtar ukrainas.

Forcat ukrainase po konsolidojnë përparimin territorial edhe në lindje. Qyteti Lyman është i shkatërruar; rrugët janë mbushur me tanke të djegura ruse dhe ushtarë të vrarë.

Gjeneralët ukrainas thonë se kanë përparuar gjatë dy javëve të fundit 55 kilometra më pranë Kharkivit.

“Kemi patur njoftime se njësitë në rajonin verior Kherson janë krejtësisht të pafuqishme, me mangësi në personel dhe me shtrirje përgjatë një vije fronti tepër të gjatë dhe mungesa ushtarësh për ta mbajtur”, thotë Karolina Hird, nga Instituti për Studimin e Luftës.

Shtetet e Bashkuara njoftuan këtë javë 625 milionë dollarë ndihma të reja për Kievin.

“Ukraina ka nevojë për armë, për më shumë armë. Kjo pasi populli rus i toleron kriminelët e luftës, por nuk toleron kriminelët e luftës që dalin humbës. Kjo disfatë ushtarake në Ukrainë ofron shenjat e para të rënies së reputacionit të Putinit në Rusi”, thotë Oleksandra Matviichuk, nga Qendra për Liritë Civile në Ukrainë.

Presidenti rus Vladimir Putin njoftoi javën e kaluar aneksimin e katër rajoneve të Ukrainës – një lëvizje kjo e refuzuar nga pjesa më e madhe e komunitetit ndërkombëtar. Analistët thonë se lufta po hyn në një moment kritik.

“Është shndërruar në një moment jetik për Putinin. Aftësia e tij për të mbijetuar mbështetet deri diku tek deklaratat e tij se ka mbrojtur atdheun dhe e ka zgjeruar atë. Se ku do të shkojë kjo situatë askush nuk e di. Por mund të themi se ky është ndoshta momenti më i rrezikshëm për zotin Putin, që kur mori pushtetin rreth 20 vite më parë”, thotë Charles Kupchan, nga Këshilli i Marrëdhënieve me Jashtë.

Presidenti Putin ka thënë se do të përdorë të gjitha mjetet e nevojshme për të mbrojtur Rusinë, duke shtuar frikën se mund të vërë në përdorim të ashtuquajturat armë taktike bërthamore.

“Gjërat po shkojnë shumë keq për Rusinë. Nuk e di edhe sa më keq duhet të bëhet përpara se Rusia të marrë në konsideratë shumë seriozisht përdorimin e armëve bërthamore. Nuk jam i sigurtë edhe nëse Putini e kupton se sa keq do të bëhet për të, nëse përdor armët bërthamore”, thotë James Acton, nga Fondacioni Carnegie për Paqen Ndërkombëtare.

Për momentin, Rusia po përpiqet ta rimarrë avantazhin nëpërmjet forcave konvencionale. Ministria e mbrojtjes tha këtë javë se mbi 200 mijë meshkuj janë rekrutuar tashmë në forcat e armatosura që nga shpallja dy javë më parë e mobilizimit të pjesshëm.

“Këto forca nuk ka gjasa të ofrojnë ndonjë kapacitet të shtuar mbrojtës, apo sulmues, në periudhën afatshkurtër. Dhe në periudhën afatgjatë, këto forca nuk ka gjasa të stërviten mirë apo të motivohen”, thotë Karolina Hird, nga Instituti për Studimin e Luftës.

Forcat ruse vazhdojnë të bombardojnë me artileri dhe raketa territorin e mbajtur nga forcat ukrainase – shpesh në zonat me civilë. Një autokolonë me civilë në qytetin Zaporizhzhia u godit më 30 shtator. Dhjetëra njerëz u vranë – ndër ta shumë gra dhe fëmijë. Moska nuk komentoi rreth këtij sulmi./VOA

Vladimir Putin dëshiron të marrë botën me vete kur të vdesë dhe tashmë ka marrë vendimin për të përdorur armë taktike bërthamore në Ukrainë, ka thënë një ‘ekspert’ për ‘shëndetin e tij të dëmtuar’, shkruan Daily Mail.

Shkencëtari politik Valery Solovey, një ish-profesor në Institutin prestigjioz të Marrëdhënieve Ndërkombëtare të Moskës [MGIMO], bëri pretendimet e bujshme përpara se despoti rus shënonte ditëlindjen e tij të 70-të të premten.

Kjo vjen pasi kishat ortodokse ruse janë urdhëruar të mbajnë shërbime të veçanta lutjesh për shëndetin e tij të shtunën, pavarësisht se Kremlini këmbëngul se ai është i shëndetshëm.

“Vendimi në parim për përdorimin ose demonstrimin e armëve bërthamore taktike është marrë,” tha Dr Solovey, i cili është konsultuar nga ambasadat perëndimore në Moskë pas pretendimeve për gjendjen mjekësore të Putinit.

“Pyetja është se si, kur dhe ku. Nuk kam asnjë dyshim se do të përfundojmë në prag të vdekjes, por e di që do të jemi në gjendje të tërhiqemi. Ne do të jemi në gjendje ta kalojmë këtë.’

Ai pretendoi se situata aktuale është më e rrezikshme dhe më afër ‘apokalipsit bërthamor’ sesa gjatë krizës së raketave kubane gjatë Luftës së Ftohtë.

Recep Tajip Erdogan ka zhvilluar një bisedë telefonike me presidentin Vladimir Putin pak orë pas pjesëmarrjes së tij në takimin e Samitit të Komunitetit Politik Evropian në Pragë.

Sipas njoftimit të presidencës turke, Erdogan dhe Putin diskutuan për çështje që do të përmirësojnë marrëdhëniet Turqi-Rusi, ndërsa në rendin e ditës ishin edhe zhvillimet e fundit në luftën në Ukrainë.

Pas telefonatës me Putin, Erdogan përsëriti se është i gatshëm të bëjë gjithçka që mundet për zgjidhjen paqësore të çështjes së Ukrainës për të mirën e të gjithëve.

Cumhurbaşkanı @RTErdogan, Rusya Devlet Başkanı Vladimir Putin ile bir telefon görüşmesi gerçekleştirdi.

Görüşmede, Türkiye-Rusya ilişkilerini geliştirecek hususların yanı sıra Rusya-Ukrayna savaşındaki son gelişmeler ele alındı.

— T.C. Cumhurbaşkanlığı (@tcbestepe) October 7, 2022

Presidenti Vladimir Putin ka marrë lajmin me të keq në ditën e 70 vjetorit të tij. Sipas të dhënave, nga inteligjencat e huaja, Rusia tashmë është furnizuesi më i madh me armë i ushtrisë së Ukrainës, ndërkohë që pjesa më e madhe e tankeve ruse, është në duart e ushtarëve vendas.

Përleshjet me ushtrinë ruse në rajonin e Kharkivit muajin e fundit, iu krijoi mundësinë trupave ukrainase të merrnin një numër shumë të madh pajisjesh ushtarake, duke përfshirë këtu 400 tanke, 600 automjete të blinduara dhe 44 sisteme raketash.

Një pjesë e këtyre pajisjeve ishin në gjendje pune, ndërsa një pjesë tjetër kishte nevojë për riparime të vogla.

Përkthyer në shifra kjo nënkupton se, Rusia tani është furnizuesi më i madh i armëve për Ukrainën, duke tejkaluar të gjithë aleatët e tjerë së bashku.

Inteligjenca ushtarake britanike beson se gjysma e flotës së tankeve të Ukrainës tani mund të përbëhet nga automjete që trupat e demoralizuara ruse i dorëzuan.

Vladimir Putin ditën e sotme feston ditëlindjen e tij të 70-të.

Ai feston ditëlindjen e 70-të në një kohë kur lideri gjithnjë e më autoritar përballet me disa nga sfidat më të frikshme të dy dekadave të tij në pushtet, pasi ka luajtur të gjitha arritjet e tij në një situatë gjithnjë e më të kushtueshme dhe problematike, luftë kundër Ukrainës fqinje.

“Cari” i Rusisë lindi në Leningrad në vitin 1952, në një kohë kur ende ndiheshin plagët nga rrethimi 872-ditor i Luftës së Dytë Botërore. Vladimiri i ri ishte një djalë i çuditshëm e luftarak, dhe miqtë e tij kujtojnë se në shkollë ai grindej me këdo dhe nuk kishte frikë.

Ai nisi të merrte mësime xhudoje për t’u ndjerë më i sigurt nga bandat e rrugëve. Ndërsa në moshën 12-vjeçare, nisi të praktikonte sambo, një art marcial rus. Putin ishte shumë i vendosur dhe i disiplinuar, ndaj deri në moshën 18-vjeçare mbante rripin e zi në xhudo.

Këto sporte ndikuan në formimin e personalitetit të tij, por gjithashtu i forcuan vetëbesimin.

Kur Putini u bë president në vitin 2000, shpresonte të ishte në gjendje të ndërtonte një marrëdhënie pozitive me Perëndimin. Fillimisht u zhgënjye pastaj u zemërua, pasi besonte se Perëndimi po përpiqej të izolonte dhe të poshtëronte Rusinë.

Lindi në Leningrad në vitin 1952, në një kohë kur ende ndiheshin plagët nga rrethimi 872-ditor i Luftës së Dytë Botërore. Vladimiri i ri ishte një djalë i çuditshëm e luftarak, dhe miqtë e tij kujtojnë se në shkollë ai grindej me këdo dhe nuk kishte frikë.

Dy herë brenda dhjetë ditësh, Vladimir Putin, i cili kontrollon arsenalin më të madh bërthamor në botë, ka kërcënuar se “do t’i përdorë të gjitha mjetet në dispozicion” për të mbrojtur Rusinë.

Perëndimi ka dëgjuar retorikë të tillë prej tij edhe më herët.

Por rrethanat tani janë ndryshe.

Pushtuesit rusë kanë vjedhur vulën zyrtare të termocentralit bërthamor Zaporizhzhia, e cila përdoret për të autorizuar dokumentet, sipas kompanisë shtetërore të energjisë bërthamore të Ukrainës.

Kompania Energoatom tha në Telegram se vula është vjedhur dhe për pasojë kompania ka krijuar vulë të re, shkruan Sky News.

Centrali i Zaporizhzhias është më i madhi i këtij lloji në Evropë dhe ndodhet në Ukrainën juglindore.

Të dyja palët kanë akuzuar rregullisht njëra-tjetrën për bombardimin e uzinës.

Ekspertët bërthamorë të OKB-së thanë muajin e kaluar se “integriteti fizik” i objektit ishte “cënuar”.