Vazhdon votimi nga diaspora, në KQZ pranojnë 300 pako me fletëvotime - Bota Sot
Vazhdon votimi nga diaspora, në KQZ pranojnë 300 pako me fletëvotime

Diaspora

Vazhdon votimi nga diaspora, në KQZ pranojnë 300 pako me fletëvotime

Më: 27 shtator 2019 Në ora: 18:34
Foto ilustrim

Është duke vazhduar votimi me postë për qytetarët të cilët jetojnë jashtë Republikës së Kosovës. Për të gjithë aplikuesit e regjistruar suksesshëm në Komisionin Qendror të Zgjedhjeve, afati është hapur që nga data 17 shtator dhe përfundon më 5 tetor.

Nga Komisioni Qendror i Zgjedhjeve kanë bërë të ditur se deri tani nga diaspora kanë pranuar 300 pako me fletëvotime.

“Mund t’iu konfirmoj se deri dje (e enjte, 26 shtator) kemi pranuar 300 pako me fletëvotime të supozuara përmes operacionit të votimit me postë. – Fletëvotimet duhet të pranohen nga Komisioni Qendror i Zgjedhjeve më së largu më 5 tetor 2019”, ka thënë zëdhënësi i Komisionit Qendror të Zgjedhjeve, Valmir Elezi.

Ndryshe, Komisioni Qendror i Zgjedhjeve, gjatë periudhës së aplikimit për regjistrim si votues jashtë vendit (30 gusht – 10 shtator) ka pranuar 40 mijë e 313 aplikacione për regjistrim dhe prej tyre:

– 5 mijë e 327 aplikacione janë pranuar përmes postës;

– 319 aplikacione janë pranuar përmes faksit, dhe

– 34 mijë e 667 aplikacione janë pranuar përmes e-mail adresave të shërbimit votues.

Nga 40 mijë e 313 aplikacione për regjistrim që janë pranuar dhe proceduar, janë aprovuar 35 mijë e 87 aplikacione, ndërsa janë refuzuar 5 mijë e 226 aplikacione për shkak të mosplotësimit të kritereve të përcaktuara me ligj.

Zgjedhjet parlamentare mbahen më 6 tetor, ndërkohë subjektet politik tash e tri ditë janë në fushatë zgjedhore, e cila do të zgjasë deri më 4 tetor.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...