Sa kilogramë shtojmë mesatarisht gjatë festave të fundvitit, si ta kontrolloni balancën

Dieta

Sa kilogramë shtojmë mesatarisht gjatë festave të fundvitit, si ta kontrolloni balancën

Më: 31 dhjetor 2020 Në ora: 13:09
Foto ilustrim

Studimet thonë se periudha e festave është kritike për ata që i druhen mbipeshës dhe për këtë të gjithë pajtohemi.

Gjasat që njeriu ta teprojë me ushqimin gjatë ditëve të festave janë shumë të larta. Nepsi për bakllava, trigona, mish, sallatë ruse e gjithçka të mirë të gatuar prej amvisave, është në nivele të larta të në këtë periudhë.

Kështu, rreziku i shëndoshjes është i madh

Sipas studimeve, pesha e një njeriu mund të shtohet me deri në 0.6 për qind gjatë dhjetorit.

Pjesa më e madhe e peshës merret në 10 ditët pas Krishtlindjeve, gjë që nxjerr në pah faktin se kur vjen puna tek festat, njerëzit heqin dorë nga dieta.

Pesha e festave që eliminohet me vështirësi

Studimet tregojnë se eliminimi i kilogramëve të tepërt të marra gjatë kësaj periudhe është një proces shumë i vështirë dhe me kalimin e viteve pesha akumulohet me një ritëm më të shpejtë.

Ekspertët thonë se nëse dëshironi të qëndroni në formë në festa, nuk duhet ta braktisni palestrën as edhe një ditë.

Nëse i përmbaheni rutinës suaj të shëndetshme të aktivitetit fizik, ndonëse i dorëzoheni nepsit, do ta keni më të lehtë për të mos shtuar në peshë.

Një mënyrë se si t’i shmangeni konsumit të ushqimeve të mbetura të natës së Vitit të Ri, është që t’i hidhni ato në plehra, në mënyrë që mos të tundoheni.

Mënyra më e mirë për të humbur peshë në dimër

Studimet thonë se kryerja e aktiviteteve fizike në temperaturë të ftohtë, nxit djegien e më shumë kalorive dhe rrjedhimisht rënien nga pesha.

Niveli i kalorive të djegura gjatë një aktiviteti me intensitet mesatar fizik arrin deri në 34 për qind, kur ai kryhet në temperaturë nga 14-20 gradë.

Mund ta keni vënë re që në dimër, ecja e shpejtë ju lë të plogësht dhe të uritur.

Një gjë e tillë nuk ndodh në pranverë ose në temperatura të ngrohta.

Temperaturat e ftohta nxitin metabolizmin të punojë më fort që të mbajë trupin të ngrohta.

Kështu, nëse dëshironi të humbni në peshë, ecni shpejt, vraponi dhe stërvituni në të ftohtë.

commentFirst article
Sot mund të lexoni Shfletoni kopertinat