Tërmeti me magintudë 6.4 ballë që tronditi mëngjesin e 26 nëntorit Shqipërinë, duket se ka ndryshuar vijën bregdetare shqiptare.
Këtë e tregojnë imazhet e regjistruara nga satelitët Sentinel-1, i programit europian “Copernicus”, i Agjensisë Hapësinore Europiane (ESA).
Sipas analizave të sizmologëve të Institutit Italian të Gjeofizikës dhe Vullkanologjisë, Durrësi është ngritur 10 centimetra më shumë mbi nivelin e detit.
Konkluzioni ka dale pasi radari ka matur me këtë rast deformimin e territorit.
Deformimi është matur nga platformat online Geohazard-tep, i zhvilluar nga ESA. Ai ka krahasur një kopje të imazheve të radarit të marra nga sateliti Sentinel-1 të pozicionit përpara tërmetit dhe pas tërmetit, për të nxjerrë hartën e zhvendosjes së bregdetit shqiptar.
Ende është herët të konfigurohet tërësisht vija bregdetare e cila në përfundim do të tregojë nëse Shqipërisë i është shtuar ose jo sipërfaqja e tokës.