Ja kush është 62 vjeçari që ndërroi jetë në Durrës pasi ra nga lartësia

Durrësi

Ja kush është 62 vjeçari që ndërroi jetë në Durrës pasi ra nga lartësia

Më: 29 janar 2020 Në ora: 10:33
Foto

Një 62-vjeçar ka rënë mbrëmë nga kati i dytë i një pallati në ndërtim dhe si pasojë ka ndërruar jetë.

Ai është Thoma Rusa, i cili punonte si roje në objektin që po ndërtohej.

Trupi i tij i pajetë është gjetur rreth orës 23:18 dhe policia ka njoftuar se ka arrestuar dy persona në lidhje me këtë ngjarje.

Durrës

Vihet në pranga për shkelje të rregullave në punë, administratori dhe inxhinieri i firmës ndërtuese të një pallati, ku në orët e mbrëmjes së djeshme humbi jetën një 62-vjeçar, rojë i këtij objekti.

Policia e Durrësit, menjëherë pas njoftimit të marrë se një shtetas kishte rënë aksidentalisht nga kati i dytë dhe për pasojë humbi jetën, menjëherë ka kryer gjithë veprimet hetimore, në bashkëpunim me prokurorinë dhe në përfundim të veprimeve, specialistët për Hetimin e Krimit bënë arrestimin në flagrancë të shtetasve:

A. J., 47 vjeç, banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin.

Këta shtetas akuzohen për shkelje të rregullave në punë, pasi më datë 28.01.2020, rreth orës 23:18, në një objekt në ndërtim, humbi jetën aksidentalisht shtetasi Th. R., 62 vjeç, i punësuar si rojë pranë këtij objekti.

Këta shtetas rrezikojnë të dënohen deri në 10 vjet burg.

Materialet i kaluan Prokurorisë së Rrethit Gjyqësor Durrës, për veprën penale “Shkelja e rregullave të mbrojtjes në punë”.

commentFirst article
Sot mund të lexoni Shfletoni kopertinat