Dy persona kanë rënë në prangat e policisë së Durrësit për vepra të ndryshme penale.
Njëri prej tyre, 36 vjeç, u arrestua pasi u kap duke vjedhur shishe me pije alkoolike në ambientet e një supermarketi. Ndërsa tjetri u konstatua nga policia duke drejtuar automjetin në gjendje të dehur.
Njoftimi i policisë
Vijon puna për parandalimin dhe goditjen e paligjshmërisë. Arrestohen në flagrancë 2 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Durrës arrestuan në flagrancë shtetasin E. B., 36 vjeç, banues në Durrës, pasi u kap në flagrancë nga shërbimet e Policisë, duke vjedhur disa shishe me pije alkoolike në ambientet e një supermarketi.
Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasin H. M., pasi u konstatua nga shërbimet e Policisë duke drejtuar mjetin në gjendje të dehur.
Materialet i kaluan Prokurorisë së Rrethit Gjyqësor Durrës, për veprime të mëtejshme.
