Popullohet bregdeti i Durrësit

Durrësi

Popullohet bregdeti i Durrësit

Më: 2 janar 2022 Në ora: 16:25
Foto ilustrim

Për të gjithë ata që nuk kishin mundësi për udhëtime të gjata, Durrësi ishte një tjetër destinacion i preferuar për të kaluar këto ditë të para të vitit të ri.

Të favorizuar edhe nga moti i mirë, qytetarë të shumtë kishin zgjedhur këtë fundjavë bregdetin për të festuar dhe pushuar.

Temperaturat e larta, jo normale për këto dite të para të janarit, janë shfrytëzuar nga ata që e pëlqejnë detin jo vetëm në verë, që të shijojnë rrezet e diellit në bregdetin e Durrësit.

Jo vetëm pedonalet buzë detit por dhe baret e restorantet kane qenë të tejmbushuara në dy ditët e para të këtij viti.

Durrësi është zgjedhur si vendi i duhur për të kaluar këto ditë festash jo vetëm nga banorët e Tiranës dhe banorët e zonave përreth saj, por dhe nga shumë shqiptarë të Kosovës e Maqedonisë së Veriut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat