Zbulohen 500 mijë euro në një autobus që vinte nga Italia në Portin e Durrësit

Durrësi

Zbulohen 500 mijë euro në një autobus që vinte nga Italia në Portin e Durrësit

Më: 21 tetor 2022 Në ora: 16:04
Foto ilustrim

Një sasi e madhe valute është sekuestruar në Portin e Durrësit këtë të premte.

Bëhet fjalë për qindra mijëra euro të gjetura në një autobus, të fshehura në tavan, në impiantin e kondicionerit, raporton News24.

Kontrollet në port u bënë në autobusin që vinte me traget nga Bari i Italisë.

Mësohet se paratë e fshehura në autobus u kapën nga skaneri gjatë kontrollit, teksa operacioni është në vijim dhe po ashtu edhe numërimi i sasisë së valutës.

Deri më tani dyshohet për një sasi rreth 500 mijë €, por nuk dihet ende shuma e saktë.

Ndërkohë që bëhet me dije se është ndaluar shoferi i autobusit. Operacioni është kryer nga Policia dhe Dogana e Durrësit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat