OAK kërkon nga Haradinaj të lirojë lëndën e parë për prodhuesit - Bota Sot
OAK kërkon nga Haradinaj të lirojë lëndën e parë për prodhuesit

Ekonomi

OAK kërkon nga Haradinaj të lirojë lëndën e parë për prodhuesit

Më: 8 janar 2019 Në ora: 15:18
OAK

Oda e Afarizmit të Kosovës kërkon nga kryeministri Ramush Haradinaj që të lirojë lëndën e parë për prodhuesit vendor ashtu siç është e paraparë me ligj.

Arsyeja e kërkesës është ankesa e prodhuesve lidhur me lirimin nga TVSH-ja e lëndës së parë.

Çdo fillim të vitit, prodhuesit vendorë obligohen të aplikojnë në ATK për lirim nga TVSH-ja për lëndën e parë të importuar, ndërsa pas aprovimit të saj fillon edhe zbatimi në Dogana.

Vitet paraprake shqyrtimi i kërkesave është bërë për një periudhë më të shkurtë kohore, gjë që nuk i ka penguar bizneset në vazhdim të prodhimit.

OAK përkujton se këtë vit bizneset po përballen me probleme pasi që për shkak të mos shqyrtimit të këtyre kërkesave, lënda e parë ka mbetur pa kaluar në Doganë dhe si pasojë bizneset po detyrohen të paguajnë për qëndrimin e kamionëve dhe frigoriferëve në terminale dhe po krijon edhe pengesa në prodhim.

Oda e Afarizmit të Kosovës kërkon që të merren masat e nevojshme për këtë problem dhe kërkon që të përkrahen prodhuesit vendorë, duke iu lejuar që të bëjnë futjen e lëndës së parë në Doganë derisa të shqyrtohen aplikacionet nga ATK-ja.

Po ashtu, OAK kërkon që kjo procedurë të hiqet ashtu që të mos obligohen bizneset të aplikojnë çdo vit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...