OAK: Ministria e Bujqësisë premton zgjidhje të problemit të sektorit minerar - Bota Sot
OAK: Ministria e Bujqësisë premton zgjidhje të problemit të sektorit minerar

Ekonomi

OAK: Ministria e Bujqësisë premton zgjidhje të problemit të sektorit minerar

Më: 8 mars 2019 Në ora: 15:09
Pamje nga takimi

Dorëzimi i kërkesës për shfuqizimin e udhëzimeve administrative të cilat janë në kundërshtim me ligjin dhe po e pengojnë zhvillimin e vendit, ishin arsyeja e takimit të përfaqësuesve të Odës së Afarizmit me Ministren e Bujqësisë Pylltarisë dhe Zhvillimit Rural, Dijana Zhiviç.

Kryetari i bordit Skënder Krasniqi theksoi se OAK identifikuar disa probleme që po e pengojnë zhvillimin e disa sektorëve të biznesit dhe ka bërë kërkesa të vazhdueshme për shfuqizimin e udhëzimeve.

OAK nëpërmjet një komunikate njoftin se ka përcjellur kërkesa të vazhdueshme te ish ministri Rikalo, kryeministri dhe institucionet e tjera të vendit, por deri më tani ende nuk është marrë një vendim konkret.

Krasniqi theksoi se OAK së bashku me bizneset ka bërë edhe një peticion të cilën e ka dorëzuar te kryeministri Haradinaj dhe ish ministri Rikalo, i cili kërkon shfuqizimin e udhëzimit administrativ për ndryshimin dhe plotësimin e udhëzimit administrativ të datës 27.12.2006 për ndërrimin e destinimit të tokës bujqësore, ku ligji për miniera dhe minerale e lejon biznesin të kërkojë hapësirë aq sa i nevojitet për të realizuar veprimtarinë e tij, ndërsa udhëzimi administrativ Nr.10/2010 e kufizon licencën në vetëm 5 hektarë.

“Udhëzimin Administrativ MA – Nr 12/2005 paragrafi 1.b i nenit 8  obligon bizneset të paguajnë për shfrytëzim të pyjeve dhe tokës pyjore për destinime tjera  ku vlera e shtimit vjetor të masës drunore për 25 vjet për pyjet cungishte dhe 60 vjet për pyje trungishte pa e shfrytëzuar atë pjesë; Udhëzimin Administrativ MA-Nr.16/2007 Neni 1 paragrafi 7 që obligon bizneset të paguajnë taksë 0.20€ për vit për ndërtim të përkohshëm, që është një kosto shumë e lartë prej 2000 euro për ha; Vendimin për Ndalimin e Ndërrimit të Përkohshëm të Pasurisë së Paluajtshme të MBPZHR i datës 20/07/2010; Gjithashtu OAK ka dërguar këtë kërkesë edhe në mbledhjen e Shkurtit në KKZHE”, thuhet në komunikatë.

Ministrja Zhiviç premtoi që së bashku me ekipin e saj do të i shqyrtojnë këto kërkesa dhe premtoi zgjidhjen e problemit të evidentuar.

Ajo po ashtu u shpreh e gatshme që së bashku me Odën e Afarizmit edhe të i vizitoj bizneset dhe të njihet për së afërmi me problemet me të cilat ata ballafaqohen. Ajo shtoi se do të bëjë përpjekje maksimale në eleminimin e barrierave që janë në kompetencë të MBPZHR.

Në këtë takim OAK u përfaqësua nga kryetari i bordit Skënder Krasniqi, anëtari Hysni Zogaj, koordinatorja Qendresa Ibrahimi dhe avokati Edon Bibaj

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...