Pavarësisht një serie sinjalesh shqetësuese për ekonominë më të madhe të Europës, qeveria gjermane regjistroi një surplus rekord prej 58 miliardë eurosh në vitin 2018, njoftoi sot agjencia federale e statistikave (Destatis).
“Në aspektin e përgjithshëm, ky është suprplusi më i lartë i arritur nga qeveria që prej ribashkimit të Gjermanisë”, theksoi “Destatis”.
Ky suprplus përfaqëson 1,7% të Prodhimit të Brendshëm Bruto (PBB) të Gjermanisë, duke arritur një total prej 3,4 trilionë eurosh.
Surplusi është shuma që del nga të gjitha të ardhurat e qeverisë federale, landeve, qeverisë lokale dhe fondeve për siguri sociale, minus shpenzimet. /ATSH
