“Mami të dua shumë”, fjalët e fundit të 5-vjeçarit që vdiq tragjikisht - Bota Sot
“Mami të dua shumë”, fjalët e fundit të 5-vjeçarit që vdiq tragjikisht

Evropë

“Mami të dua shumë”, fjalët e fundit të 5-vjeçarit që vdiq tragjikisht

Më: 22 mars 2019 Në ora: 22:23
Alex Clarke, nga Leeds i Anglisë

“Të dua shumë”, ishin këto fjalët e një 5-vjeçari, i cili humbi tragjikisht jetën nga zjarri i rënë në shtëpi. Sipas një hetimi gjyqësor mbi vdekjen e Alex Clarke, nga Leeds i Anglisë, zjarri erdhi pasi 5-vjeçari i vuri flakët cepit të një libri në dhomën e tij. Libri ra në dysheme, duke bërë që zjarri të përhapej me shpejtësi.

Vëllai i tij 8-vjeçar dhe motra 10-vjeçare vrapuan një kat më poshtë duke i dhënë alarmin nënës së tyre Emma. Ajo u kërkoi ndihmë fqinjëve, por ata e patën të pamundur që të kalonin tymin dhe zjarrin e madh për të shpëtuar Alex.

Ishin zjarrfikësit që arritën ta nxirrnin 5-vjeçarin nga dhoma. Ai u dërgua në spital, por plagët që kishte marrë ishin tepër të rënda dhe Alex ndërroi jetë të nesërmen.

Në një deklaratë të lexuar në Gjykatën e Wakefields Coroner, nëna e 5-vjeçarit tha se familja kishte qenë duke parë televizor mbrëmjen e ngjarjes së rëndë.

“Alex erdhi me vrap poshtë, më dha një puthje dhe përkëdhelje dhe tha ‘të dua shumë’. Rreth orës 20:20, William dhe Jessica (fëmijët) erdhën me vrap duke thënë se dhoma kishte marrë flakë”, tha ajo.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...