Bashkimi Europian po ndjek nga afër zhvillimet e fundit në Venezuelë dhe theksojmë se kriza që po kalon vendi duhet të zgjidhet vetëm politikisht, paqësisht dhe në mënyrë demokratike, deklaroi shefja e Politikës së Jashtme të unionit, Federica Mogherini.
”BE refuzon çdo lloj dhune dhe kërkon përpjekje maksimale për mënjanimin e humbjes së jetëve njerëzore dhe përshkallëzimin e tensionit”, theksoi ajo.
“BE është vendosmërisht pranë popullit venezuelian dhe aspiratave të tij legjitime demokratike. Ne do të vazhdojmë të impenjohemi për të kontribuar për rivendosjen e demokracisë dhe të të drejtave të njeriut nëpërmjet zgjedhjeve të lira”, shtoi Mogherini.
Ndërkohë, në një intervistë me televizionin informativ amerikan, CNN, sekretari amerikan i Shtetit, Mike Pompeo deklaroi se ”Nicolas Maduro ishte gati të largohej nga Venezuela, në momentin kur revolta po përshkallëzohej, por Rusia e bindi të qëndronte”
