Rrufeja mbyt një grua në malet e Skocisë - Bota Sot
Rrufeja mbyt një grua në malet e Skocisë

Evropë

Rrufeja mbyt një grua në malet e Skocisë

Më: 9 qershor 2019 Në ora: 08:43
Foto ilustrim

Një grua ka vdekur pasi u godit nga rrufeja përderisa ishte duke u ngjitur në një mal që ndodhet afër brigjeve perëndimore të Skocisë.

Gruaja 55 vjeçe, emri i së cilës nuk është bërë i ditur, ishte duke u ngjitur afër qytetit Glencoe të shtunën në mbrëmje kur ajo dhe një person tjetër u goditën nga rrufeja.

Policia e Skocisë njoftoi se të dy personat u dërguan në spitalin e Fort Ëilliamit përmes helikopterit, por gruaja vdiq për shkak të lëndimeve. Personi tjetër ndodhet në gjendje stabile. Autoritetet i kanë informuar të afërmit e gruas për vdekjen e saj.

Për gjetjen e grupit të goditur nga rrufeja u përdorën helikopterët e shërbimit shëndetësor dhe u angazhuan edhe rojet bregdetare. Personat që ishin duke u ngjitur në mal ndodheshin në një mal që është vetëm pesë kilometra larg Ben Nevisit, e cila është maja më e lartë në Britaninë e Madhe.

Inspektorja Isla Campbell tha: “Jemi mirënjohës për përpjekjet dhe reagimin profesional të agjencive partnere në këtë incident tragjik dhe ia shprehim ngushëllimet tona familjes së gruas së vdekur”, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...