Vajzat rrahin shoqet e shkollës dhe e postojnë videon në rrjetet sociale - Bota Sot
Vajzat rrahin shoqet e shkollës dhe e postojnë videon në rrjetet sociale

Evropë

Vajzat rrahin shoqet e shkollës dhe e postojnë videon në rrjetet sociale

Më: 16 shkurt 2020 Në ora: 07:36
Ilustrim

Policia Postare e Catania njoftoi se dy vajza të moshës 14 dhe 11 vjeç, sulmuan dhunshëm dy bashkëmoshatare të tyre ndërsa largoheshin nga shkolla, duke i kërcënuar dhe shkaktuar lëndime. Rasti i tyre po ndiqet nga prokuroria lokale për të mitur.

Njëra prej tyre e filmoi dhunën me një smartphone dhe e postoi videon në rrjetet sociale.

Viktimat e dhunës, të cilët ishin trajtuar në spital, gjithashtu u kërcënuan me hakmarrje.

“Nëse më raportoni, do të largoheni nga Catania”, thuhet në tekstin e një mesazhi që u ishte dërguar.-

Hetimet filluan pas denoncimit të drejtuesit të shkollës dhe policisë postare. Sherri mendohet të ketë lindur për arsye banale.

Prokurori për të mitur urdhëroi marrjen në pyetje të katër vajzave, konfiskimin e pajisjeve mobile dhe heqjen e videos.

Dy nxënëset 14 vjeç dhe 11 vjeç u raportuan nga policia postare, por vajza më e vogël nuk do të ndiqet penalisht për shkak të moshës së vogël.

Shfaq komentet
comments powered by Disqus
Sot mund të lexoni Shfletoni kopertinat