Thellohet më tej bilanci në Itali, shkon në 64 numri i të prekurve nga koronavirusi - Bota Sot
Thellohet më tej bilanci në Itali, shkon në 64 numri i të prekurve nga koronavirusi

Evropë

Thellohet më tej bilanci në Itali, shkon në 64 numri i të prekurve nga koronavirusi

Më: 22 shkurt 2020 Në ora: 23:05
Foto ilustrim

Koronavirusi vazhdon të përhapet në Itali.

Rasti i parë është regjistruar në Piemonte (është një 40 vjeçar nga Torino ) dhe në Milano ku ka dy raste (një 78 vjeçar nga Sesto San Giovanni dhe një tjetër të infektuar në Mediglia).

Kështu, bilanci i njerëzve pozitivë për provat midis Lombardisë (47) dhe Veneto (16) rritet në 64. Deri më tani ka dy viktima.

Ndërkohë Emergjencat civile kanë bërë apel që qytetarët të paraqiten në spitale vetëm nëse është e nevojshme.

Kryeministri italian, Giusepe Conte, ka mbledhur komitetin operativ të mbrojtjes civile, për të vlerësuar masat e reja të jashtëzakonshme. Po punojmë pa pushim për të reaguar me forcë të plotë ndaj kësaj emergjence – ka thënë ai.

“Ne po verifikojmë të gjithë personat që kanë hyrë në kontakt me këta pacientë. Mund të ketë një rritje të mëtejshme të rasteve, por e rëndësishme është të të marrim masat për të evituar përhapjen e mëtejshme” tha më pas ai.

Shfaq komentet
comments powered by Disqus
Sot mund të lexoni Shfletoni kopertinat