Qeveria e Spanjës shpalli dhjetë ditë të zisë, nisur nga e mërkura, për viktimat e pandemisë së koronavirusit.
Afro 27,000 njerëz kanë vdekur në Spanjë si pasojë e sëmundjes që e shkakton koronavirusi, COVID-19.
Gjatë periudhës së zisë, flamujt në ndërtesat publike do të ulen në gjysmë-shtizë, tha zëdhënësja e Qeverisë spanjolle, Maria Jesus Montero.
Spanja ka humbur 26,834 njerëz nga koronavirusi.
Autoritetet atje kanë raportuar për mbi 235,000 njerëz të infektuar.