Spanja ka raportuar një rritje prej 23,480 infeksioneve me coronavirus gjatë fundjavës, duke e bërë atë vendin e parë të Evropës Perëndimore që regjistron më shumë se 800 mijë raste në total.
Rritja shtyn numrin zyrtar të infeksioneve që nga fillimi i pandemisë në Spanjë në 813,412, vendi i tetë me më së shumti të infektuar, raporton BBC.
Numri i të vdekurve arriti në 32,225, nga 32,086 të premten, njoftoi Ministria e Shëndetësisë së Spanjës.
“Ne jemi ende shumë të shqetësuar, javët e ardhshme do të jenë shumë të vështira”, tha Ministri i Shëndetësisë, Salvador Illa.
Spanja ishte një nga vendet e para evropiane që pa një kulm të dytë të infeksioneve të coronavirusit në fund të verës.
Që atëherë, qeveria spanjolle ka lëvizur duke vendosur kufizime për të frenuar përhapjen e sëmundjes në pikat e nxehta, të tilla, si kryeqyteti Madridi.
Ndryshe, sipas rregullave të reja, banorët mund të kalojnë kufijtë e qytetit vetëm për punë, shkollë, shëndetësi ose pazar.
