Venecia u godit nga përmbytjet pasi një sistem i barrierave kundër përmbytjeve dështoi.
Kryebashkiaku Luigi Brugnaro shkroi në Twitter se Venecia po përgatitej për një rritje të nivelit të ujit prej 145 centimetra dhe se sheshi kryesor i qytetit tashmë ishte përmbytur. Ai gjithashtu tha që sistemi i mbrojtjes nga përmbytja, i njohur si Mose, nuk po funksionon.
Mose, komisionimi i të cilit ishte vonuar prej kohësh, u përdor për herë të parë në tetor dhe mbrojti me sukses Venecian nga batica e lartë dhe solli lehtësim në qytetin që ka pësuar përmbytje për vite me radhë.
Ai e ka mbrojtur dy herë qytetin nga batica që nga e diela. Një rrjet prej 78 barrierash të verdha të ndritshme që ruajnë hyrjen në lagunën e ndjeshme venedikase, përndryshe fillon të ngrihet nga fundi i detit më shumë se tri orë para se batica të arrijë maksimumin. Në këtë kohë është e panjohur pse sistemi dështoi.
Për shkak të rritjes së pritur të madhe të niveleve të ujit prej 135 centimetra të enjten dhe të premten, Venecia mund të shpallë një alarm të kuq, nivelin më të lartë të gatishmërisë. Luka Zaia, presidenti i rajonit venedikas, tha se dëmi mund të arrijë 500 milionë euro.
Stuhitë prekën të gjitha pjesët e Italisë dhe pas reshjeve të mëdha të shiut dhe borës në zona të caktuara, të tilla si Tiroli Jugor, rreziku i rrëshqitjeve të tokës dhe ortekëve u rrit.
Italia Verilindore dhe Roma janë në nivelin më të lartë të gatishmërisë nga moti.
Rrugë dhe kalime të shumta malore janë mbyllur dhe bllokuar. Trafiku hekurudhor përmes Brenner Pass u bllokua pas një rrëshqitje toke në Bolzano, por tuneli është ende i hapur për trafik.
Jugu u godit nga reshje të mëdha shiu dhe përmbytjet morën të paktën dy jetë gjatë fundjavës.
