​Merkel: Në tre muajt e parë do të vaksinohen 10 milionë gjermanë

Evropë

​Merkel: Në tre muajt e parë do të vaksinohen 10 milionë gjermanë

Më: 2 shkurt 2021 Në ora: 19:38
Angela Merkel

Kancelarja gjermane Angela Merkel iu përgjigj sot kritikave të drejtuara qeverisë në lidhje me organizimin e vaksinimit masiv dhe njoftoi se 10 milionë qytetarë do të vaksinohen në Gjermani në tre muajt e parë të këtij viti.

Si Berlini zyrtar, ashtu edhe BE-ja kanë qenë shënjestra e kritikave duke pretenduar se imunizimi po ndodh më shpejt në Britani të Madhe, Izrael dhe SHBA.

"Ju mund të thoni se ne do të vaksinojmë 10 milionë qytetarë në tre muajt e parë, por gjithashtu ‘do të vaksinojmë vetëm 10 milionë’. Në të dy rastet, ne do ta arrijmë këtë qëllim," tha Merkel në një intervistë për televizionin ARD.

Gjermania ka rreth 83 milionë banorë dhe hulumtimet tregojnë se qytetarët në disa shtete anëtare të BE-së, përfshirë Gjermaninë dhe Francën, kanë më pak të ngjarë të vaksinohen sesa britanikët, por Merkel tha se edhe në parashikimet më pesimiste dhe pa miratimin edhe të disa vaksinave të tjera, të gjithë gjermanët e rritur do të vaksinohen deri në fund të verës.

"Unë bisedova me presidentin e Rusisë (Vladimir Putin) dhe sot pamë disa informacione të mira në lidhje me vaksinën ruse," shtoi kancelarja gjermane.

Shfaq komentet
comments powered by Disqus
Sot mund të lexoni Shfletoni kopertinat