Rihapja graduale, qeveria zviceriane bën me dije strategjinë e lehtësimit të masave

Evropë

Rihapja graduale, qeveria zviceriane bën me dije strategjinë e lehtësimit të masave

Më: 18 shkurt 2021 Në ora: 16:57
Foto ilustrim

Qeveria zviceriane ka bërë me dije se duke nisur nga 1 marsi  mund të nisë lehtësimi i masave kufizuese sikundër janë rihapja e dyqaneve, bibliotekave e të tjera aktivitete.

Siç theksoi Këshilltari Federal Guy Parmelin, strategjia e daljes ka të bëjë kryesisht me lehtësimin masave  për fëmijët dhe të rinjtë. Ndërsa ministri i Shëndetësisë theksoi se nëse situata nga COVID-19  vijon të jetë me trend pozitiv, të tjera lehtësime do të lejohen.

“Situata po përmirësohet, vijon të mbetet një rrezik, por po përmirësohet, ne kemi perspektiva me të mira për javët dhe muajt e ardhshëm, prandaj mund të fillojmë të lehtësojmë ngadalë kufizimet. Me kujdes por po përpiqemi ta bëjmë atë në mënyrë të arsyeshme dhe nëse i kushtojmë vëmendje të kujdesshme, ne gjithashtu do të menaxhojmë të tjerë hapa lehtësuese në muajin prill e më tej,” – u shpreh ministri i Shëndetësisë në Zvicër, Alain Berset.

Qeveria dëshiron të marrë vendime çdo muaj në varësi të incidencës së infeksioneve dhe situatës në spitale.

Vetëm tarracat e kafeneve dhe restoranteve pritet të lejohen të rihapen nga 1 prilli. Hapje më të zgjeruara të restoranteve janë planifikuar pas Pashkëve. Detyrimi për të punuar në shtëpi do të mbetet në fuqi.

Do të vijojnë  zbatohen rregullat e njohura të higjienës, të tilla si kufizimi i numrit të klientëve dhe mbajtja  maskave. Një pjesë thelbësore e strategjisë është gjithashtu realizimi i një numri të madh testesh për të zbuluar veçanërisht rastet asimptomatike me COVID-19.

Ministri i Shëndetësisë po ashtu vlerësoi disiplinën e qytetarëve pasi sjellja e tyre ka çuar në përgjysmimin e të infektuarve brenda një muaji.

Sot mund të lexoni Shfletoni kopertinat