Ukraina akuzoi sot rrjetet ruse të internetit pa emër për sulme masive në vendet e sigurisë dhe të mbrojtjes, por nuk bëri të ditur se kush qëndronte pas sulmit.
Kievi ka akuzuar më parë Moskën për menaxhimin e sulmeve kibernetike në shkallë të gjerë si pjesë e një “lufte hibride” kundër Ukrainës, të cilën gjë e mohoi shteti rus.
Deklarata e Këshillit të Sigurisë Kombëtare dhe Mbrojtjes së Ukrainës nuk zbuloi se kush qëndronte pas sulmeve të reja, ose cilat ishin pasojat e saj për sigurinë kibernetike të Ukrainës.
Sulmet filluan më 18 shkurt dhe synuan agjencitë ukrainase të sigurisë, Këshillin dhe institucione të tjera shtetërore dhe kompani strategjike, sipas një deklarate të cituar nga reuters.
“Burimet e këtyre sulmeve të koordinuara janë zbuluar se i përkasin rrjeteve të caktuara ruse”, tha këshilli. /
