Zvicra ka shtyrë planet për të zbutur kufizimet e saj anti-COVID, ka thënë qeveria të premten, duke përmendur rritjen e numrit të rasteve me koronavirus dhe progres të pamjaftueshëm në vaksinime.
Zvicra fillimisht kishte planifikuar të lejonte ngjarje në natyrë si ndeshje futbolli dhe koncerte me audiencë deri në 150 persona nga e hëna, por ka zgjedhur një qasje më të kujdesshme pasi fqinjët Franca dhe Gjermania gjithashtu ndaluan planet për lehtësimin e kufizimeve, raportojnë mediat e huaja.
Përveç kësaj, shumë pak njerëz janë vaksinuar për të parandaluar një rritje të shtrimeve në spital.
Numri i rasteve të koronavirusit në Zvicër dhe Lihtenshtajnin fqinjë është rritur ditët e fundit, me 1.750 raste të reja që janë regjistruar të enjten, shumë herë më lartë se mesatarja shtatë-ditore e 1.285 infeksioneve.
