Spanja premton miliona euro për të ndihmuar ishullin La Palma pas shpërthimit të vullkanit

Evropë

Spanja premton miliona euro për të ndihmuar ishullin La Palma pas shpërthimit të vullkanit

Më: 23 tetor 2021 Në ora: 20:03
Foto ilustrim

Spanja do të ndajë më shumë ndihma për ishullin La Palma, pasi shpërthimi i një vullkani La Palma më 19 shtator shkatërroi shtëpi dhe biznese që operonin aty.

Kryeministri spanjoll Pedro Sanchez, në vizitën e tij të pestë në ishull që nga shpërthimi i vullkanit muajin e kaluar, tha se Qeveria e tij do të miratonte legjislacionin që do të dërgonte miliona euro ndihmë për ata persona që kanë nevojë.

Qeveria e Sanchez i ka caktuar tashmë 63 milionë euro për të ndihmuar këtë ishull, ndërsa me gjashtë milionë tjera janë ndarë për industritë lokale të bujqësisë dhe të peshkimit.

Rrjedhat e lavës nga shpërthimi në kreshtën vullkanike Cumbre Vieja kanë dëmtuar ose shkatërruar më shumë se 2,100 ndërtesa, kryesisht shtëpi dhe ferma. Rreth 7,500 banorë janë dashur të evakuohen nga shtëpitë e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat