​Rritja e çmimeve të energjisë dhe mallrave nxit rritjen e inflacionit në Britani

Evropë

​Rritja e çmimeve të energjisë dhe mallrave nxit rritjen e inflacionit në Britani

Më: 23 tetor 2021 Në ora: 21:41
Foto ilustrim

Indeksi i çmimit të konsumit në Britani pritet të rritet ndjeshëm në gjashtë muajt e ardhshëm, si rezultat i rritjes së çmimeve ndërkombëtare të energjisë dhe mallrave, sipas Fitch Ratings.

“Inflacioni i indeksit të çmimit të konsumit pritet të rritet në 4,3 për qind deri në fund të vitit 2021, nga parashikimi i mëparshëm prej 3,4 për qind, i bërë muajin e kaluar”, tha agjencia globale e vlerësimit.

Sipas deklaratës, inflacioni i konsumit pritet të arrijë kulmin mbi 5 për qind në prillin e ardhshëm, ndërsa përbërësi energjetik i inflacionit të indeksit të çmimit të konsumit pritet të rritet me gati 1 pikë përqindje në muajt e ardhshëm.

“Tarifat e gazit dhe energjisë elektrike me pakicë priten të rriten me 12 për qind në tetor dhe ne supozojmë se ato do të rriten me 20 për qind të tjera në prill 2022”, shtohet më tej.

Çështjet e zinxhirit të furnizimit do të nxisin gjithashtu inflacionin e mallrave bazë, duke përjashtuar energjinë, që pritet të rritet mbi 5 për qind në bazë vjetore në BM, sipas Fitch Ratings.

Fitch Ratings paralajmëroi se rreziku i inflacionit total po rrit pritjet afatmesme të inflacionit, gjë që është një shqetësim më i madh për Bankën e Anglisë, pasi mund të nxisë një rritje të pagave dhe inflacionit në sektorin e shërbimeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat