​Në BE, 5.9% e qytetarëve s’kanë dritë të mjaftueshme në apartamentet e tyre

Evropë

​Në BE, 5.9% e qytetarëve s’kanë dritë të mjaftueshme në apartamentet e tyre

Më: 2 nëntor 2021 Në ora: 17:53
Foto ilustrim

Në Bashkimin Evropian, 5.9 për qind e qytetarëve kanë jetuar vitin e kaluar në apartamente pa dritë të mjaftueshme ose siç thonë ata, në apartamente shumë të errëta gjë që paraqet problem për familjet, njoftoi shërbimi statistikor evropian Eurostat.

Drita e ditës në apartamente sjell përfitime për shëndetin dhe mirëqenien, dhe gjithashtu mund të ndihmojë në përmirësimin e efikasitetit të energjisë duke reduktuar nevojën për ndriçim artificial, thuhet në informacion.

Më shumë se 10% e njerëzve që jetojnë në Spanjë vlerësuan vitin e kaluar se apartamenti i tyre ishte shumë i errët (10.6%), që është përqindja më e madhe e regjistruar midis vendeve anëtare të BE-së. Pason Franca me 9.5%, Malta (9.4%) dhe Hungaria (7.7%).

Ndryshe, përqindja më e ulët e qytetarëve që thanë se jetonin në apartamente të errëta u regjistrua në Sllovaki (2.6%), Itali (2.6%, të dhëna nga 2019), ndjekur nga Qipro (2.8%) dhe Republika Çeke (3.1%).

commentFirst article
Sot mund të lexoni Shfletoni kopertinat