Asambleja e Përgjithshme e INTERPOL-it ka zgjedhur Ahmed Nasser Al Raisi nga Emiratet e Bashkuara Arabe si Presidentin e ri të Organizatës. Z. Al Raisi u zgjodh pas tre raundeve të votimit, njofton gazeta zvicerane në shqip Le Canton27.ch nga Interpoli.
Sipas nenit 16 të Kushtetutës së INTERPOL-it, “për zgjedhjen e Presidentit kërkohet një shumicë prej dy të tretash; Nëse kjo shumicë nuk arrihet pas votimit të dytë, mjafton një shumicë e thjeshtë”.
Në raundin final z. Al Raisi mori 68.9 për qind të votave të hedhura nga vendet anëtare.
Si President, roli i z. Al Raisi gjatë mandatit të tij katërvjeçar do të përfshijë kryesimin e mbledhjeve të Komitetit Ekzekutiv, i cili mbikëqyr zbatimin e vendimeve të marra në Asamblenë e Përgjithshme.
“Është një nder që jam zgjedhur për të shërbyer si President i ardhshëm i INTERPOL-it”, tha zoti Al Raisi.
“INTERPOL është një organizatë e domosdoshme e ndërtuar mbi forcën e partneriteteve të saj. Është kjo frymë bashkëpunimi, e bashkuar në mision, që unë do të vazhdoj ta nxis ndërsa punojmë për të bërë një botë më të sigurt për njerëzit dhe komunitetet.”
Sekretari i Përgjithshëm Jürgen Stock, zyrtari i lartë i Organizatës me kohë të plotë i cili mbikëqyr funksionimin e përditshëm të Sekretariatit të Përgjithshëm të INTERPOL-it, përshëndeti emërimin e z. Al Raisi.
Gazeta zvicerane ne shqip le Canton27.ch nga Stambolli para dy dite kishte njoftuar se kandidat potencial per te qenë ne krye te Interpolit eshte Gjeneral Major Ahmed Naser al-Raisi, inspektor i përgjithshëm në Ministrinë e Brendshme të Emirateve të Bashkuara Arabe, i cili edhe sot eshte zgjedhur në postin 4-vjeçar të presidentit të Interpolit.
“Për tre vitet e fundit kam punuar me z. Al Raisi në rolin e tij të mëparshëm si delegat në Komitetin Ekzekutiv. Mezi pres të punoj ngushtë me të për të siguruar që INTERPOL të vazhdojë të përmbushë mandatin e tij dhe të mbështesë bashkëpunimin ndërkombëtar policor.’
Presidenti dhe anëtarët e tjerë të Komitetit Ekzekutiv zgjidhen nga Asambleja e Përgjithshme mbi bazën “një vend një votë”, ku çdo votë ka peshë të barabartë.
Roli i Presidentit, i cili është me kohë të pjesshme dhe pa pagesë, është të kryesojë Asamblenë e Përgjithshme dhe tre mbledhje të Komitetit Ekzekutiv çdo vit.
