Vdes nga COVID vajza e ish-deputetit, ishte shtatzënë në muajin e shtatë, shpëton foshnja

Evropë

Vdes nga COVID vajza e ish-deputetit, ishte shtatzënë në muajin e shtatë, shpëton foshnja

Më: 1 dhjetor 2021 Në ora: 15:56
Parthena Koutmeridou

Një lajm tronditës raportohet orët e fundit nga Greqia. Bëhet me dije se avokatja, vajza e ish-deputetit të PASOK-ut, Stathis Koutmeridis, ka humbur jetën nga koronavirusi. Ajo u sëmur u sëmurë rëndë teksa ishte shtatzënë dhe kishte shtyrë vaksinimin – Foshnja shpëtoi.

Parthena Koutmeridou, 38-vjeçe nuk ishte vaksinuar nga frika për shkak të shtatzënisë. Siç kishte thënë i ati për protothema.gr, ajo e kishte shtyrë vaksinimin pas një konsulte përkatëse me gjinekologun e saj dhe për t’i paraprirë lindjes.

Parthena (Patti, siç e thërrisnin njerëzit e saj) u sëmur me koronavirus në muajin e shtatë të shtatzënisë dhe gjendja e saj u përkeqësua shumë shpejt, si pasojë u shtrua në klinikën Agios Loukas në Selanik, ku mjekët kryen një prerje cezariane për të shpëtuar të porsalindurin.

Familja e saj ka bërë thirrje për gjak gjatë dy 24 orëve të fundit, në përpjekje për të mbajtur gjallë gruan 38-vjeçare, por ajo nuk ia doli dhe dha frymën e fundit mëngjesin e sotëm, sipas drejtorit të klinikës, Demosthenes Katsarkas.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat