Zvicra me masa të rrepta/ Vendi në alarm nga varianti Omicron

Evropë

Zvicra me masa të rrepta/ Vendi në alarm nga varianti Omicron

Më: 6 dhjetor 2021 Në ora: 14:10
Zvicra

Zyra Federale e Shëndetit Publik (OFSP) njoftoi në Twitter të martën në mbrëmje dy rastet e para të koronavirusit në Zvicër për shkak të variantit Omicron. Dy personat, të lidhur me njëri-tjetrin, u vendosën në izolim.

Departamenti i shëndetësisë në Basel-City tha të martën në mbrëmje se një rast pozitiv ishte konfirmuar në territorin kantonal. Ky është një nga dy rastet e shpallura nga OFSP, njifton gazeta zvicerane në shqip Le Canton27.ch

Nga zgjatja e certifikatës në ambiente të mbyllura deri te testet e përsëritura në shkollë, Këshilli Federal të martën prezantoi dhjetë masa të reja për të frenuar përparimin e variantit Delta dhe për të ngadalësuar përhapjen e variantit Omicron.

Varianti Omicron (ose B.1.1.529) është shqetësues në mbarë botën sepse ka më shumë mutacione sesa ato të identifikuara nga shkencëtarët për variante të tjera shqetësuese.

“Kjo sugjeron që ajo transmetohet lehtësisht,” tha Patrick Mathys, kreu i seksionit të Menaxhimit të Krizave dhe Bashkëpunimit Ndërkombëtar të Zyrës Federale të Shëndetit Publik (OFSP) të hënën. “Ekziston rreziku që [ai] mund të jetë në gjendje të anashkalojë sistemin tonë imunitar më mirë se variantet e tjera,” shtoi specialisti, ndërsa theksoi se të dhënat e disponueshme janë ende shumë të pakta për t’u ditur.

Sipas gazetës zvicerane në shqip Le Canton27.ch Qeveria zvicerane ka ashpërsuar masat ndaj Covid 19 pas alarmit të shfaqjes së mutacionit të ri Omicron.

Duke qenë se fluturimet mund të jenë të shumta për shkak të festave të fundvitit, Zvicra këtë të premte ka njoftuar një sërë masash të reja për parandalimin e përhapjes së Covid 19.

Vendosja e masakës në cdo ambient si jashtë dhe brenda vijon të jetë e obliguar për të gjithë qytetarët. Po ashtu, çdo qytetar në cdo institucion apo vend që të futet, duhet të ketë një certifikatë vaksinimi ku tregon se është i vaksinuar dhe të dëshmojë se nuk është i infektuar nga koronavirusi.

Javen e kaluar qeveria zvicerane njoftoi zbulimin në Zvicër të një rasti të parë të mundshëm të variantit Omicron, në një person që kthehej nga Afrika e Jugut. Ky kontaminim, si dhe i një personi të afërt, u konfirmua të martën. Dhe të mërkurën, një rast i tretë u njoftua nga OFSP.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat