Qeveria norvegjeze prezantoi sot rregulla më të rrepta për të kufizuar përhapjen e virusit korona, që përfshin kufizimin e numrit të vizitorëve në shtëpitë private dhe kohëzgjatjen e kohës që baret dhe restorantet mund të shërbejnë pije alkoolike.
Sipas këtyre rregullave, jo më shumë se dhjetë vizitorë mund të qëndrojnë në një familje dhe njerëzit duhet të mbajnë një distancë prej të paktën një metër nga të gjithë jo anëtarët e së njëjtës familje.
Shërbimi i pijeve alkoolike është i kufizuar në orën 23:00, tha kryeministri norvegjez Jonas Gar Stere.
“Ne me të vërtetë donim t’i jepnim fund pandemisë, por situata është kaq serioze tani sa duhet të vendosim masa të reja për të ruajtur kontrollin. Prandaj edhe festat e Krishtlindjeve do të duken ndryshe këtë vit”, tha ai.
Masat aktualisht janë duke u futur për katër javë, raporton Reuters.
Në Norvegji, javët e fundit ka pasur një rritje të numrit të personave të infektuar dhe të shtruar në spital për shkak të koronavirusit.
Që nga fillimi i epidemisë, në këtë vend skandinav janë regjistruar 289.611 raste me koronavirus, ndërsa si pasojë e këtij infeksioni kanë vdekur 1.096 persona, sipas të dhënave të faqes “Worldometers”.
