Kryeministri britanik: Sipas shenjave të para, varianti Omicron është më ngjitës se Delta

Evropë

Kryeministri britanik: Sipas shenjave të para, varianti Omicron është më ngjitës se Delta

Më: 8 dhjetor 2021 Në ora: 06:28
Boris Johnson

Kryeministri britanik, Boris Johnson, njoftoi se shenjat e para tregojnë se varianti Omicron i koronavirusit është “më ngjitës” se varianti Delta.

Johnson në mbledhjen e kabinetit ka bërë vlerësime për zhvillimet e fundit në lidhje me variantin Omicron.

Kryeministri tha se është shumë herët për të nxjerrë konkluzione për karakteristikat e Omicron-it, por indikacionet e para janë se është më ngjitës se Delta”, tha zëdhënësi i kryeministrit në një deklaratë për takimin.

Zëdhënësi gjithashtu tha se nuk ka asnjë diskutim midis ekipit të lartë të kryeministrit nëse qeveria duhet të prezantojë masat e Planit B për të luftuar COVID-19 këtë dimër.

– Zbulohen 336 raste me Omicron

Deri më dje, në Britani janë zbuluar 336 raste me Omicron, përfshirë 261 në Angli, 71 në Skoci dhe 4 në Uells.

Ministri britanik i Shëndetësisë, Sajid Javid, gjithashtu ka deklaruar se varianti Omicron ka filluar të përhapet në më shumë se një rajon në gjithë vendin, duke shtuar: “Kjo përfshin raste që nuk kanë lidhje me udhëtimet ndërkombëtare. Prandaj, tani mund të konkludojmë se ka përhapje komunitare në më shumë se një rajonin e Anglisë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat