Greqia ndan 400 milionë euro për të trajtuar kostot e energjisë elektrike

Evropë

Greqia ndan 400 milionë euro për të trajtuar kostot e energjisë elektrike

Më: 10 janar 2022 Në ora: 12:01
Foto ilustrim

Qeveria greke do të shpenzojë 400 milionë euro shtesë për të mbështetur familjet dhe bizneset në përballimin e rritjes së çmimeve të energjisë muajt e fundit.

Siç ka deklaruar kryeministri Kyriakos Mitsotakis, kjo po bëhet edhe për t’i përballuar kostot e çmimeve të produkteve.

“Theksi është padyshim në lehtësimin e familjeve. Por ne gjithashtu do të ndihmojmë bizneset të qëndrojnë në rrugën e zhvillimit, duke ruajtur vendet e punës. Dhe, kryesisht, ne duam të shmangim rritjen e kostos së prodhimit dhe kalimin e kësaj të fundit në çmimet e produkteve. Është një plan i guximshëm, por në të njëjtën kohë një plan real ndihme. Ndihmë në të tashmen, pa rrezikuar të ardhmen”, tha Mitsotakis.

Ky plan së shpejti do të mbështetet nga një tjetër plan, që do të trajtojë kursimet e energjisë në përgjithësi.

Plani i ri do të subvencionojë zëvendësimin e pajisjeve të vjetra elektrike të cilat më pas do të riciklohen.

“Qëllimi ynë është që të gjitha shtëpitë greke të funksionojnë me pajisje elektrike moderne dhe më ekonomike”, ka përfunduar ai. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat